Apple корманди собиқашро барои ифшои маълумоти махфӣ дар бораи таҳаввулоти ширкат бар хилофи созишномаи махфӣ ба додгоҳ кашид.
Тибқи иттилои Apple, Эндрю Оуде маълумотро дар бораи гӯшмонаки Vision Pro дар соли 2020 ва барномаи Diary дар моҳи апрели соли 2023 ба хабарнигорони The Wall Street Journal ва The Information фош кардааст. Дар маҷмӯъ, ӯ ба ду рӯзноманигор беш аз 11 ҳазор паём фиристод ва барои мулоқот бо рӯзноманигори The Information «тамоми қитъаро тай кард».
Оуде соли 2016 пас аз хатми коллеҷ ба кор дар Apple истихдом шуд. Масъулиятҳои ӯ оптимизатсияи кори батареяро дар бар мегирифт, ки ба ӯ дастрасӣ ба маълумот дар бораи даҳҳо лоиҳаҳои муҳими ширкатро фароҳам овард. Моҳи декабри соли 2023 хадамоти амният сирқати маълумотро ошкор кард ва ӯ аз кор озод шуд.
Кӯшишҳо барои ҳалли ин масъала пеш аз додгоҳ бенатиҷа буданд, зеро Оуде аз ҳамкорӣ бо Apple худдорӣ кард, гарчанде ки ӯ гуноҳи худро қисман эътироф кард. Ҳоло ширкат ба маблағи 25 ҳазор доллар ҷуброн талаб мекунад, аммо маблағи ниҳоӣ дар ҷараёни мурофиа муайян хоҳад шуд.
Эндрю Оуде дар байн. Акс аз шабакаи интерент
