Қаллобон тариқи техналогияи дипфейк аз чеҳра ва садои Муъмин Аҳмадӣ, хабарнигори Радиои Озодӣ ва вайнери маъруфи қазоқ Сека истифода кардаанд.
Навор ҳудуди даҳ рӯз аст, ки дар шабакаҳои иҷтимоӣ (фейсбук ва инстаграм) чарх мезанад.
Муъмин Аҳмадӣ дар навор бобати хабари пурҳангомае ҳарф мезанад, ки гӯё блогер ва вайнери маъруфи қазоқ Сека (Сергазӣ Тоқтарбек) тариқи телеграмканали хеш дар бораи манбаи осони пулкоркунӣ ҳарф мезанад ва ҳамаро даъват мекунад, ки аз ин имконият истифода кунанд. Вале дар асл, ин як хабари дурӯғ аз тариқи қаллобони интернетӣ аст.
Чӣ гуна бояд фаҳмид, ки ин дипфейк аст?
Хеле осон:
1. Муъмин Аҳмадӣ, хабарнигори бахши тоҷикии Радиои Озодӣ буда, ҳамеша бо забони тоҷикӣ дар наворҳо пайдо мешавад.
2. Ӯ тариқи саҳифаи хеш дар фейсбук рад мекунад, ки чунин эълон ё муроҷиате надошт ва навор тариқи техналогия сохта шудааст.
Дар навори зер мо бо навиштаи «FAKE» таъкид мекунем, ки он тақаллубӣ буда, истифодабарандагони интернет ба он бовар накунанд:
View this post on Instagram
