Қаҳрамони собиқи Pride FC, RINGS ва WAMMA Федор Емеляненко ахиран гуфт, мехоҳад дар бокс худро имтиҳон кунад. Ӯ Майк Тайсон, собиқ қаҳрамони мутлақи бокс дар вазни вазнинро ҳамчун рақиби худ дидан мехоҳад.
Рӯзи 9 август дар шабакаи YouTube-и MMAFightingonSBN мусоҳиба бо иштироки Федор Емеляненко нашр шуд, ки ӯ дар ин мусоҳиба хоҳиши мубориза бо муштзани афсонавӣ Майк Тайсонро изҳор кард.
«Ман шавқ дорам, ки худро дар бокс санҷам. Пас аз мағлуб шудан ба Райан Бадер, ман барои рафъи мушкилӣ пардохтам. Мо ба ҷустуҷӯи рақиб шурӯъ кардем ва ба лигаҳои гуногун пешниҳодҳо фиристодем.»,-иттилоъ дод ӯ.
Зимни мусоҳиба рӯзноманигор Ариэл Ҳелванӣ сана ва макони баргузории набард – 28 октябр ва Арабистони Саудиро пешниҳод кард. Дар ин сана шоми бокс бо иштироки қаҳрамони ҷаҳон оид ба бокс Тайсон Фюри ва қаҳрамони UFC Фрэнсис Нганну баргузор мешавад. Емеляненко низ изҳори ҳавасмандӣ кард, ки дар ин сана бо Майк Тайсон рӯ ба рӯ шавад.
«Ман шавқманд ҳастам. Ба ин сана омода мешавам, барои омодагӣ вақти кофӣ дорам. Тамринро идома медиҳам, омода мешавам.», — гуфт Федор.
Акс аз шабакаи интернет
