НАВИДОмадани сайёҳон чаро 72% кам шуд? (Видео)

Омадани сайёҳон чаро 72% кам шуд? (Видео)

-

Хурӯҷи вируси ҳамагири COVID-19 ва маҳдудиятҳо дар пайи он ба соҳаи сайёҳӣ дар ҷаҳон таъсири манфӣ гузошт. Аз ҷумла, ба Тоҷикистон низ.

«Мувофиқи маълумоти оморӣ соли 2020 ба Тоҷикистон 350 ҳазор нафар сайёҳ ташриф овард, ки нисбат ба соли пешин 72,2 дарсад кам аст. Таъсири манфии пандемияи коронавирус, пеш аз ҳама, ба меҳмонхонаву тарабхонаҳо, муассисаҳои хӯроки умумӣ ва ба ҳунармандон расид. Мутаассифона, нафарони зиёде, ки дар соҳаи сайёҳӣ фаъолият доштанд, бекор монданд. Аз рӯйи арзёбиҳои Созмони ҷаҳонии сайёҳӣ буҳрони бемории сироятии COVID-19 гардиши сайёҳони байналмилалиро то 80% коҳиш дод.”-иттилоъ доданд аз маркази матбуоти Кумитаи рушди сайёҳии назди Ҳукумати Тоҷикистон.

Коршиносони соҳа мегӯянд, агарчи омадани сайёҳони хориҷӣ ба кишвар кам гардид, хушбахтона, туризми дохилӣ дар ин давра то андозае рушд кард.
Дар ҳамин ҳол Фаррухрӯз Иззатуллозода, сардори Раёсати рушди сайёҳии кумитаи мазкур иттилоъ медиҳад, ки зиёда аз 40 хатсайри сайёҳӣ 
аз ҷониби ширкатҳои сайёҳӣ ба Бадахшон, Зарафшон ва Хатлон  таҳия гардида, ин ширкатҳо сайёҳонро ба ин минтақаҳо сафарбар намуда истодаанд. 

Дар даврони пандемия назди Кумитаи рушди сайёҳӣ гурӯҳи корӣ барои муқовимат ба оқибатҳои коронавирус таъсис шуда, вазъро таҳлил намудаанд. Натиҷаи тадқиқоти гурӯҳи корӣ нишон додааст, ки корхонаҳо ва шахсони алоҳидаи соҳаи сайёҳӣ таназзулро аз сар мегузаронанд. Аксари корхонаҳо бо сабаби ҳолатҳои фавқулода ва басташавии марз 100 дарсад муштарии хешро аз даст додаанд ва COVID-19 ба ҳама самтҳои фаъолияти соҳаи сайёҳӣ таъсири манфӣ расонидааст.

Темуркӯл
Дараи Қаратоғ
Варзоб
Даромадгоҳи ноҳияи Ховалинг

 

http://president.tj/node/23054

Дар ин давраи буҳронӣ Фармони Президенти Ҷумҳурии Тоҷикистон «Дар бораи пешгирии таъсири бемории сироятии СOVID-19 ба соҳаҳои иҷтимоию  иқтисодии Ҷумҳурии Тоҷикистон» содир шуда, тибқи он аз 1 апрел то 1 сентябри соли 2020 ба иншооти соҳаи сайёҳӣ, меҳмонхонаҳо, ташкилоти хӯроки умумӣ, марказҳои саломатию варзишӣ, осоишгоҳҳо, ҳамлу нақли мусофиркашонии байналмилалӣ ва аэронавигатсия таътили пардохтҳои андозӣ пешбинӣ гардид. Ҳисобкунии фоизҳо барои сари вақт пардохт нагардидани андозҳо барои ҳамин давра манъ буд. Гарчанд фаъолияти ширкатҳо бисёр маҳдуд гашт, ин дастгирии давлатии соҳаи сайёҳӣ барои ҷалби соҳибкорони ватанию хориҷӣ ба бунёди инфрасохтори сайёҳӣ, аз ҷумла меҳмонхонаҳо, осоишгоҳу истироҳатгоҳҳо, тарабхонаҳо ва дигар иншооти зарурӣ барои сайёҳон, рушди саноати фоидаовари сайёҳӣ ва соҳаҳои ба он дахлдор, истифодаи самараноки имкониятҳои мавҷуда, ҳамкории самараноки давлат ва бахши хусусии соҳаи сайёҳӣ заминаи мусоид фароҳам овард. Ин иқдоми роҳбари давлат имкон дод, ки дар давраи бисёр ҳассос барои ширкатҳои сайёҳӣ онҳо баста нашаванд.

Тайи ду соли ахир дар бештари мавзеои сайёҳӣ меҳмонхонаҳо бунёд шудаанд. Аз ҷумла, “Чорчаман Хилс” дар ноҳияи Дарвоз, “Саразм плаза” дар шаҳри Панҷакент, “Манзара” дар ноҳияи Ховалинг ва  “Чилдухтарон” дар ноҳияи Муъминобод…

Ҳалима Шобекова

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
0
+1
0
+1
0
+1
0
+1
0
+1
0
+1
0

ХАБАРҲОИ ОХИРИН

Се таҳдиди буҳронҳои марбути об ба ҳаёти 190 миллион кӯдак

Се таҳдиди буҳронҳои марбут ба об ҳаёти 190 миллион кӯдакро зери хатар мегузорад.  ЮНИСЕФ даъват намудааст, ки ба иншооти...

BI.ZONE: ransomware ба ширкатҳои хусусӣ ҳамла мекунад

Ширкати идоракунии хатарҳои рақамии BI.ZONE гуфтааст, ҳакерҳо эҳтимоли бештари ҳамлаҳоро бо истифода аз барномаҳои рамзгузорӣ барои ғайрифаъол кардани системаҳои...

Евгений Баклушин: телефонҳо ба ширкатҳои истеҳсолкунанда тобеъ ҳастанд!

Телефонҳои ҳушманд бо ин ё он роҳ баъзе маълумоти корбарро, аз ҷумла ҷойгиршавӣ, паёмҳо ва рӯйхати тамосҳоро ҷамъоварӣ ва...

Патриот чаро гарон шуд?

  "Патриот"-и автомат идорашаванда дар фурӯш пайдо шуд. Аммо нарх метавонад шуморо ба ҳайрат орад. УАЗ ваъда медиҳад, ки истеҳсоли мошинҳои...
spot_imgspot_img

Яндекс барои интиқоли мусофир нақлиёти бесарнишин истифода мекунад

Такси "Яндекс" барои интиқоли мусофирон бесарнишин истифода хоҳад кард. То ҳол дар таҷрибаҳо чанд ҳавопаймои бесарнишин ширкат хоҳанд кард: ҳашт...

Президенти ФИФА кӣ интихоб шуд?

Дар пойтахти Руанда Конгресси 73-юми ФИФА баргузор шуд, ки дар кори он роҳбарияти Федератсияи футболи Тоҷикистон – дабири кулл...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад