Пас аз ба тавозуни Маскав гузаштани заводи Renault мансабдорони сатҳҳои гуногун дар бораи он сӯҳбат кардаанд, ки ширкат то охири соли ҷорӣ ба васлу насби мошинҳои комилан нави Москвич шурӯъ мекунад – замонавӣ, арзон ва эҳтимол барқӣ.
Коршиносон ба чунин тағйирот шубҳа доштанд: бо назардошти таҷҳизоти техникии он ва махсусгардонии моделҳои мушаххаси Renault ва дар ниҳоят замони ғайривоқеии оғози кор.
Мошини тамғаи «Москвич» метавонад ба хитоӣ табдил ёбад. Вазорати саноату савдо ва мақомоти Маскав бо JAC Motors, FAW ва BYD гуфтушунид доранд.
Ба гузориши “Известия”, мақомоти Маскав, Вазорати саноату савдо ва КамАЗ бо мошинсозони Чин барои тавлиди мошин дар корхонаи холишудаи Renault музокира доранд. Гуфтушунид инчунин бо JAC Motors, FAW ва BYD идома дошта, як манбаъ ба ин расона гуфтааст, дар музокирот корхонаҳои дигари чинӣ низ ширкат мекунанд. «Ведомости» дар ин бора менависад: «КамАЗ» бо шарики кунунии худ — ширкати автомобилсозии JAC гуфтушунид дорад ва мақомоти Маскав барои ҳамкорӣ бо як ширкати дигари мошинсози чинӣ кор мекунанд. Дар ҳамин ҳол, намояндагони ширкатҳои Haval, Chery и Geely ба хабаргузории «Известия» гуфтаанд, ки ширкатҳои онҳо дар бораи тамғаи «Москвич» ё корхонаи Renault музокира намекунанд.
“Агар созиш бо ширкатҳои Чин ба даст наояд, КамАЗ мустақилона истеҳсолотро ба ӯҳда мегирад. Аммо дар ин ҳолат, интизори баровардани мошин вақти зиёдро талаб мекунад, зеро, истеҳсолкунанда моделҳои сертификатсияшудаи худро надорад.«,- гуфтааст яке аз мусоҳибон ба ин расона.
Соли 2021 тарроҳ Роман Прядко тарҳи “Москвич”-и навро пешниҳод кард. Аммо мо чизе монанди он нахоҳем дид.
