Хоразян Марусия зани арманитаборест, ки аз соли 1977 дар Ҷамоати деҳоти Танобчии ноҳияи Темурмалики вилояти Хатлон зиндагӣ мекунад.
Ӯ дар синфи 9-ум мехонд, ки бо як аскари тоҷик, ки дар Арманистон хидмат мекард, ошиқ шуд ва баъд аз адои хидмати дӯстписараш ба Тоҷикистон омад.
Марусия дини Исломро пазирӯфт ва ӯро ба ақди никоҳи дӯстписараш Ёрмат Худойназаров дароварданд… Ҳоло тамоми урфу оддатҳои маҳаллӣ ва рукнҳои дини ин динро риоят мекунад.
Айни ҳол фардандонаш мехоҳанд ӯро барои адои яке рукнҳои ислом-Ҳаҷ фиристанд, вале ӯ мехоҳад ин маблағро барои таъмири роҳ, беҳ кардани зиндагии ягон ҳамдеҳааш харҷ кунад.
Дар зиндагии якҷоя онҳо соҳиби фарзандону наберагони зиёд шуданд.
Модари Марусия барои баргардонидани духтараш ба Тоҷикистон омад, лекин Марусия нахост дили хушдоманро шиканаду бе ризоият ва дуояш тарки Тоҷикистон кунад.
Хоразян Марусия наздики 20 сол аст, ки дар Қасри фарҳанги Ҷамоати Танобчӣ фаъолият дорад. Ба ҷуз ин, яке аз ҳунармандони хуби ҷамоат маҳсуб мешавад, ки либосҳои миллӣ, гулдузиву чакан омода мекунад ва аз хушдоманаш сипосгузор аст, ки ҳама ин ҳунарро ба ӯ омӯхт.
Замони пойбарҷо будани Шӯравӣ ҳамчун говдӯши пешқадам соҳиби автомашина гардидааст.
Шералӣ Давлатов
