Давраҳои омӯзишӣ доир ба меъёри ISO 26000 барои намояндагони корхонаҳои нассоҷиву дӯзандагии Тоҷикистон дар шаҳрҳои Бохтар Душанбе ва Хуҷанд баргузор гардид.
ISO 26000 гуногунии иҷтимоӣ, муҳитзистӣ, ҳуқуқӣ, фарҳангӣ, сиёсӣ, созмонӣ, ва ҳамчунин, шароити иқтисодиро ба эътибор мегирад ва ҳамзамон, бо қоидаҳои байналмилалии рафтор мувофиқ аст.
Ҳадаф аз ин давраҳои омӯзишӣ боло бурдани сатҳи огоҳии корхонаҳои нассоҷиву дӯзандагии Тоҷикистон ва такмил додани таҷрибаи онҳо доир ба масъулияти иҷтимоӣ мувофиқи меъёрҳои ISO мебошад.
Маркази тиҷорати байналмилалӣ мусоидати худро ба соҳаи нассоҷиву дӯзандагии Тоҷикистон ҷиҳати беҳтар намудани масъулияти иҷтимоии корхонаҳо идома медиҳад. Ҳадди ақал се ширкате, ки ҳавасманд ҳастанд, интихоб мешаванд ва МТБ ба онҳо ҷиҳати иҷрои бахшҳое аз меъёри ISO 26000 мусоидати фаннӣ мерасонад.
