Ҳизби халқии демократии Тоҷикистон дар Бохтар гулгаштеро бо нишастгоҳҳо дар атрофи қароргоҳи Кумитаи иҷроияи ин ҳизб бунёд намуда, Wi-fi-и ройгон фароҳам кардааст.
Наврӯз Ҳусейнзода, муовини раиси Кумитаи иҷроияи Ҳизби халқии демократии Тоҷикистон дар вилояти Хатлон мегӯяд, дар маркази вилояти Хатлон-шаҳри Бохтар муассисаҳои таҳсилоти умумӣ, оливу миёнаи касбӣ зиёд буда, талабот ба хизматрасониҳои алоқаи интернет хеле зиёд буда, ташкили нуқтаҳои истифодаи ройгони Интернет ба фоидаи ҷавонон аст.
Ба иттилои ӯ, ҳеҷ кадоме аз муассиса ё ниҳоде дар Бохтар Wi-fi-и ройгонро барои ҷавонон фароҳам накардааст.
Абдулло Хоҷоев, донишҷӯи донишгоҳи Давлатии шаҳри Бохтар ба номи Носири Хусрав ба мо гуфт, барои дарёфти маводҳои лозима аз ин интернети ройгон истифода мебарад.
“На ҳама донишҷӯён имконияти дастрасӣ интернетро доранд. Имрӯз чунин имконият фароҳам шудааст, бе сарфи маблағ метавонем мавзӯҳои лозимро дарёфт намоем.”,-илова кард Абдулло.
Аҳлиддини Муборакшоҳ
