БОЛУмеда Суфиева: формулаи асосии забономӯзӣ хоҳиш аст!

Умеда Суфиева: формулаи асосии забономӯзӣ хоҳиш аст!

-

Умеда дар ҷойи кор. Аксҳо аз бойгонии қаҳрамон

Мо дар ҳар нашри барномаи «Бол» аз ҳаёту таҳсили як донишҷӯи тоҷик дар хориҷи кишвар мегӯем. Ин навбат ҳамсуҳбати мо нафарест, ки аллакай таҳсилро дар Олмон ба поён расонда, аз рӯи ихтисосаш фаъолият мекунад.

Мо бо Умеда Суфиева доир ба таҳсил, забондонӣ ва зиндагӣ дар Олмон сӯҳбат кардем.

Умеда ҳанӯз аз замони мактабӣ дидани Олмонро орз дошт ва забони олмониро бо шӯру шавқ меомӯхт. Ҳамин буд, ки дар озмуни ҷумҳуриявии PAD миёни донандагони забони олмонӣ бо навиштани иншо дар мавзӯи «Қаҳрамон кист?» сазовори ҷои ифтихорӣ шуд.

Ӯ пас аз хатми мактаб ба Олмон рафт ва бо барномаи «Ausbilgung» дар соҳаи тандурустӣ таҳсилро оғоз кард. Ҳамзамон ба дармонгоҳе барои таҷриба андӯхтан ба кор рафт. Давоми таҳсилу кор бо ҷавони олмоние оила барпо кард.

Маросими издивоҷ

«Шукр ҳоло меваи зиндагии мо ду кӯдакамон ҳастанд. Кӯдаки якумам 2,5-сола буда, кушиш мекунад, ки бо се забон — тоҷикӣ, русӣ ва олмонӣ фикрашро баён кунад. Кӯдаки дуюмам ҳоло хурд аст.», — гуфт Умеда.

Умеда мегӯяд, волидони шавҳараш ба ӯ эҳтироми хос доранд ва пайваста хӯрокҳои тоҷикӣ дархост мекунанд. Махсусан, онҳо манту ва самбӯсаро ниҳоят дӯст медоранд.

Умеда 7 сол мешавад, ки дар Олмон аст ва бо аҳли оилааш ният доранд тобистони соли оянда ба Ватан оянд.

Умеда донандаи хуби забонҳои русӣ, англисӣ, олмонӣ, туркӣ буда, ҳоло забонҳои арабӣ, фаронсавӣ, итолиёвӣ, испанӣ ва ҳиндиро меомӯзад.

«Формулаи асосии забономӯзӣ ин хоҳиш аст. Хоҳиш бошад, омӯхтани дилхоҳ забони хориҷӣ барои инсон осон мегардад ва ҳар вақте мо дар куҷо ва барои чӣ истифода кардани забонеро медонем, онро меомӯзем.», — афзуд ӯ.

Ҳафизуллоҳ Тоҳирӣ

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
3
+1
4
+1
0
+1
0
+1
0
+1
0
+1
0

ХАБАРҲОИ ОХИРИН

Кумаки Тоҷикистон ба Туркия расид

Бо супориши Эмомалӣ Раҳмон, Президенти Тоҷикистон ба зарардидагони зилзила дар Туркия кумаки башардӯстона фиристода шуд. Кумаки башардӯстона аз маҳсулоти зарурии...

RuStore ҷойгузини Google Play мегардад?

Ширкати русии ВК ба ҷойи мағозаи онлайнии Google Play ҷойгузин мехоҳад пешниҳод намояд. RuStore-мағозаи онлайни барномаҳо барои системаи оператсионии Android...

Қаллобон бо равишҳои нав мардумфиребӣ мекунанд

Дар шабакаи иҷтимоӣ боз як эълони нави фиребгарон чарх мезанад, ки ин навбат онҳо номи бонк ва номи ҳаммуассисамон...

Вокуниши Москвич ба интиқодгарон

"Москвич-3" мушкили набудани  гармӣ дар курсиро ҳал кард. Аксарият бинобар ноқисӣ дар ин бахш аз ширкат интиқод мекарданд. Акнун...
spot_imgspot_img

Талафоти ҷонӣ дар Туркия беш аз 12 ҳазор

Бар асари заминларзаи 7,7 ва 7,6 дараҷаӣ дар 10 вилояти Туркия, дастикам 12 ҳазору 391 нафар ҷони худро аз...

Нерӯгоҳи Зиёдалӣ хонаи ҳамдеҳагонашро фурӯзон мекунад

Зиёдалӣ Талбекзода на танҳо нерӯгоҳи офтобӣ, ҳамчунин, дастархони электронӣ, арғунчак, мошини хурд барои кӯдакону наврасон  ва даҳҳо дастгоҳи дигар...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад