Темур Раҳимов, паҳлавони тоҷик, дар Чемпионати ҷаҳон оид ба ҷудо дар шаҳри Тошканди Узбекистон мақоми панҷумро касб кард.
Ин паҳлавони 25-солаи тоҷик дар вазни +100 кг дар даври дувум Мариус Физел аз Словакияро шикаст дода ба даври ҳаштякниҳоӣ роҳ ёфт.
Раҳимов дар ҳаштякфинал бо намояндаи Фаронса Ҷозеф Терҳек рӯбарӯ шуда ӯро низ мағлуб карда ба даври чорякниҳоӣ расид.
Темур дар чорякфинал бар Минҷонг Ким аз Корея дастболо шуд ва ба нимфинал роҳ ёфт. Дар даври ниманиҳоӣ рақиби паҳлавони тоҷик Татсуру Саитои ҷопонӣ буд ва дар вақти иловагӣ ба Темур бинобар камфаъолиятӣ танбеҳи сеюм дода шуд. Аз ин хотир рақибашро ғолиб донистанд.
Зимни рақобати Темур Раҳимов Гурам Тушишвилии гурҷӣ ин паҳлавони Гурҷистон тавонист имтиёзи “ваза-ари”-ро ба даст орад ва то охири вақти асосӣ нигоҳ дошта медали биринҷиро ба даст овард ва Темур Раҳимов мақоми панҷумро касб кард.
Ёдовар мешавем, ки Темур Раҳимов дар раддабандии Федератсияи байнулмилалии ҷудо (вазни +100 кг) дар мақоми аввал аст.
Акс аз интернет
