CАЙЁҲАТТалош барои ҳадаф ва Амрикои имкониятҳо

Талош барои ҳадаф ва Амрикои имкониятҳо

-

Наздикиҳои намози аср ба вақти Олмон муҳаррики ҳавопаймои BOEING 767-300 хатсайри DE2074-и ширкати ҳавопаймоии Сondor аз фурӯдгоҳи байналмилалии Франкфурти Майн ба гардиш даромад ва пас аз чанд сонияи ҳаракат дар замин бо як овози ғулғуладор ба ҳаво хест. Ҳавопаймои мусофирбар аз тариқи ҳарими ҳамоии кишварҳои қораи Аврупо ва уқёнуси Анлантика 9 соату 15 дақиқа парвоз намуд ва нимашаб ба фурӯдгоҳи байналмилалии Балтимор/Вашингтон нишаст.
Тафтиши шиноснома ва раводиди мусофирон оғоз ёфт. Дар кишварҳои Аврупо ду тарзи тафтиши ҳуҷҷатҳо вуҷуд дорад, ки яке тариқи онлайн бо QR барои шаҳрвандон ва онҳое, ки иқомати доимӣ доранд ва дувум тариқи анъанавӣ барои мусофирон, ки бо раводид сафар кардаанд. Ҳамин ду усули тафтиш дар фурӯдгоҳ дар Амрико низ роиҷ аст ва ман ба гурӯҳи дуюми мусофирон пайвастам. Марди африқо-амрикоӣ пас дидани шиносномаи хориҷӣ ва раводид дарҳол бастаи ҳуҷҷатҳоро пурсид, ки вақти гирифтани раводид аз консулгарии ИМА дар Варшава ба ман дода буданд. Бастаи ҳуҷҷатҳоро гирифта ба дигар назоратчӣ дод ва ӯ маро аз паси худ ба дигар толор бурд. То аз назаргузаронии ҳуҷҷатҳо ман бағоҷро гирифта омадам. Он пулиси ришу мӯяш зарди айнакдор маро фарёд карда чанд суол дод ва пас аз посух гирифтан ду муҳр ба шиноснома гузошту бо табассум “Welcome to USA” гуфту роҳи баромадро нишод дод.
Шукри Худо, ки бародар ва дӯсти наздики мо (байни ману ӯ ва Худованд боқӣ монад некиҳояш) барои будубоши муваққатии мо кӯмак кард ва барои расидан ба Амрико аз рӯзҳои аввал ёрдами худро дареғ надошт. Ҳоло дар меҳмонхонаи Hilton-и шаҳраки Искардарияи иёлоти Вирҷиния исти чандрӯзина бо як бародари тоҷик намудем.
Роҳи омадан ба Амрико низ барои ман ва чанд гурӯҳи дӯстонам агарчанде ки бо роҳи қонунӣ буд, хеле мушкил ва пурмашаққат афтод. Дар ин як солу чаҳор моҳи заҳматҳову сарсониҳо ибратҳои зиёдеро дар зиндагӣ аз худ кардем. Алалхусус таҷрибаҳои муваффақкеро дар роҳи кор бо сафаратхонаҳо ва сафари пайдарпайи кишварҳоро ба даст овардем. Сафари панҷмоҳаи Маскав – Русия, серӯзина сафари пурбарори Тошкент – Ӯзбекистон, сафари ҳалкунанда ва муҳими Варшава – Лаҳистон ва вуруду парвозу саёҳат тариқи шаҳрҳои Мюнхен – Берлин – Франкфурти Майни Олмон бароям аз муҳимтаринҳо ба шумор меравад.
Пас аз истироҳати чандрӯзина имрӯз ба сайёҳати Вашингтон баромадем. Аз Кохи Сафед, ёдгории Вашингтон, ёдгорӣ ва тандиси Авраам Линколн, силсила осорхонаҳои хиёбони миллӣ, Капитолий, Суди олӣ ва Пентагон бинои Вазорати дифои Амрико дидан кардем. Ҳудуди 80%-и маконҳои диданӣ ва осорхонаҳои Вашингтон ройгон аст ва мо аз ин иқдом истифода бурда ду чипта барои дидани шаҳр аз манораи ёдбудии Вашингтон гирифтем. Амрикоиҳо ин манораро барои ёдбуди падари худ ва асосгузор ва Президенти якуми Амрико — Ҷорч Вашингтон бино кардаанд. Мо аз баландтарин бинои пойтахт тамоми намои Вашингтонро аз тирезаҳои ин манора дидем ва манзараи нотакроре аз ин баландии 169 метр намудор буд. Вашингтон шаҳри марказӣ, идорӣ, ҳарбӣ ва таърихӣ мебошад. Мо ҳатман ба ин шаҳр боз мегардем ва умед дорем ин боздид охиринаш нахоҳад буд.
Амрикоро кишвари орзуҳо ва имкониятҳо мегӯянд ва мо низ мекушем то аз имконоти он самаракон истофода барем. Исти мо акнун ба муҳалати номуайян дар сарзамини Амрико хоҳад буд.
Дуруди Худованд ба шумо дӯстон аз ин сӯйи уқёнус!
Alhamdulillah for everything
Кохи Сафед
Вашингтон
Ҳавзаи Колумбия
Иёлоти Муттаҳида
Амрикои Шимолӣ
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
13
+1
2
+1
0
+1
0
+1
0
+1
0
+1
0

ХАБАРҲОИ ОХИРИН

30 сонияи тақдирсоз: бохти футзали Тоҷикистон дар охирин лаҳза

Тими мунтахаби футзали Тоҷикистон бозиҳои худро дар Ҷоми Осиё-2022 дар Кувайт анҷом дод. Дар даври чорякфиналӣ дастаи мо дар муборизаи...

Тасвири «Товуси»-и девори ҳамсоя Алиёрро рассом кард

Алиёр Акбаров, ҷавони 26 – солаи тоҷик рассомӣ, ҳайкалтарошӣ, кандакорӣ ва дизайнерӣ мекунад ва аз ин ҳисоб рӯзғорашро пеш...

Парвоз бо як камзул

Моҳи сентябр технолог ва ихтироъкори камзули парвозкунанда - Ричард Браунинг ихтироъи худро озмоиш кард. Камзули реактивӣ дар Намоишгоҳи саноатии...

Футзали Тоҷикистон дар чаҳорфинал

Дастаи мунтахаби футзали Тоҷикистон дар бозии ниҳоии марҳилаи гурӯҳии Ҷоми Осиё-2022 бар тими миллии Туркманистон бо ҳисоби 8:5 пирӯз...
spot_imgspot_img

Тағаймурод дар Лондон. Чаро кори кишоварзиро ба меҳмонхонадорӣ иваз кард?

Тағаймурод Шоинов меҳмони навбатии барномаи “Бол” аст. Ӯ бо раводиди корӣ барои кор дар бахши кишоварзӣ ба Бринтанияи Кабир...

Deepcake чӣ гуна намунаи чеҳраҳои машҳурро тавлид мекунад?

Deepcake ба харидории чеҳраҳои рақамии ашхоси машҳур оғоз кард. Брюс Уиллис, ки бо тахаллуси "Чормағзи сахт" машҳур аст, симои хешро...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад