БИЗНЕС-КЛУБЭҳсон бозии “GTA-Dushanbe”-ро месозад

Эҳсон бозии “GTA-Dushanbe”-ро месозад

-

Эҳсон наворҳои аниматсионие месозад, ки мошинҳои ҷавонони тоҷик дар шаҳрҳои мухталиф ҳаракат мекунанд ва шахс бо дидани ин манзара бозии  машҳури “GTA”-ро ба хотир меорад.

Ӯ ният дорад, ки бозии “GTA-Душанбе”-ро сохта бо дархости муроҷиаткунанда мошинҳои онҳоро дар майдони бозӣ ворид кунад. Ҳоло дар ин самт як қатор корҳоро анҷом додааст.

«Дар аввал бисёр мехостам одами шинохта бошам. Ба хулосае омадам, ки мардуми мо аз ҳама зиёд мошинашонро дӯст медоранд ва ба таҳияи навор дар шакли 3D оғоз кардам.»,-нақл мекунад ӯ.

Эҳсон аз соли 2019 ба ин ҷода рӯй овард. Ҳоло таваҷҷуҳи мардум ба кораш зиёд гардида, ин амал ба манбаи даромадаш табдил шудааст.

«Муштарӣ ба ман муроҷиат мекунад. Ман тамғаи мошин ва рангу рақамҳояшро мушаххас мекунам. Аз шабакаи Интернет дар бораи мошин маълумот гирифта, мошинро аз аввал то охир дар барномаи махсус месозам. Дар охир рақамҳои қайди давлатии Тоҷикистонро насб карда, дар майдони бозии “GTA” онро гузошта ба ҳаракат меандозам ва ин ҷараёнро сабт намуда, ба муштарӣ пешниҳод месозам.«

Наворҳояш вобаста ба давомнокӣ аз 50 то 150 сомонӣ арзиш доранд.

Дар аввал барои омода кардани як навор 10-15 рӯз сарф мекард. Ҳоло давоми 2-3 соат аз иҷрои як супориш мебарояд.

Эҳсон мегӯяд, маҳсули эҷодаш барои мардум фароғат мебахшад. Аз ҷониби дигар, ин кор ба мардум имкон медиҳад, ки дар вақти ба фурӯшбарории мошин ба ҷойи акс навори мошинро ба харидор пешниҳод созанд.

Дар ҳоли ҳозир наворҳои қаҳрамони мо дар Instagram аз 10 то 600 ҳазор бинанда доранд ва ӯ то имрӯз намоди 360 мошинро сохта, навор таҳия кардааст.

Эҳсон хатмкардаи риштаи иқтисоди Донишгоҳи давлатии Бохтар аст ва ҳоло дар як ширкати таксӣ ба ҳайси дизайнери графикӣ фаъолият дорад.

Ҳ. Тоҳирӣ

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
9
+1
5
+1
1
+1
1
+1
1
+1
0
+1
0

ХАБАРҲОИ ОХИРИН

Муин Ғафуров: баъди пирӯзӣ дар UFC ба Тоҷикистон бармегардам

Муин Ғафуров размкори шинохтаи тоҷик бори дигар таъдид намуд, ки ба UFC мебарояд. “Баъди пирӯзӣ дар UFC ба Тоҷикистон бармегардам....

Кӣ духтаронро аз варзиш дур мекунад?

Яке аз нигарониҳои роҳбарияти Кумитаи ҷавонон ва варзиш ин аст, ки духтарон баъди тамринҳо аз ширкат дар мусобиқаҳои варзишӣ...

Фарҳод беш аз 30 қуллаи баланди ҷаҳонро фатҳ кардааст (Видео)

8 август Рӯзи ҷаҳонии куҳнавардон аст. Қаҳрамони навбатии мо яке аз куҳнавардони муваффақ ва ҷавон аст, ки ин навбат...

Пирӯзӣ бо Афғонистон. Имрӯз рақобат бо Қирғизистон

Тими ҷавонони Тоҷикистон (U-19) дар бозии ифтитоҳии худ дар мусобиқоти қаҳрамонии CAFA бар тими Афғонистон бо ҳисоби бузург (4:1)...
spot_imgspot_img

Медали тиллои Омина аз Олимпиадаи байналмилалии Teeneagle ONLINE

Омина Худоиқулова, хонадаи синфи 8- и Литсейи давлатии №1- и ноҳияи Восеъ дар Олимпиадаи байналмилалии Teeneagle ONLINE мақоми аввалро...

Ҷонона: аз оилаи олмониам қадр кардани вақтро омӯхтам!

Ҷонона Келдиева меҳмони навбатии мост. Ӯ ҳоло дар Олмон қарор дорад. Мавсуф бо барномаи “Au Pair” имкон пайдо кард, ки...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад