Платформаи рақамии таҳсилоти томактабӣ (TOMAKTABI.TJ) ё «Сандуқчаи зулбиё» 31 май дар Душанбе муаррифӣ гардид, ки ҳадафи он таълим ва рушди беш аз як миллион кӯдак аст.
ЮНИСЕФ ва Вазорати маориф ва илми Тоҷикистон ният доранд теъдоди муайяни омӯзгорону волидонро дар Тоҷикистон фаро гиранд.
TOMAKTABI.TJ — пойгоҳи рақамии таълимӣ унвон мешавад, ки бо шарокати ЮНИСЕФ ва «Microsoft» ба вуҷуд омадааст. Ин пойгоҳ ҷиҳати вокуниш ба буҳрони муҳоҷирон, таъмини имконияти таҳсил дар сафар ва гум нашудани қайдҳои таҳсилоти кӯдак дар вақти кӯчидан эҷод шуда буд. Аммо, платформа роҳҳои истифодаи хеле васеътар дорад ва ҳоло миқёси он барои дастгирии таҳсили 5,4 миллион кӯдак дар минтақаи Аврупо ва Осиёи Марказӣ васеъ карда мешаванд, ки аз байни онҳо якуним миллион нафар кӯдакон дар Тоҷикистон умр ба сар мебаранд. Кишварҳои минтақаи мазкур равиши инноватсиониро истифода бурда, ин платформаи дастраси таълимиро барои ноил гардидан ба афзалияти соҳаи таҳсилоти томактабӣ истифода намудаанд. Вазифаи мазкур тавассути такмили дониш ва малакаҳои омӯзгорон ва кӯдакони синну соли томактабӣ иҷро карда мешавад.
TOMAKTABI.TJ фаъолиятҳои омӯзишӣ ва рушди ба синну соли кӯдакон мувофиқ, аз ҷумла бозиҳо, ҳикояҳо, видеоҳо ва дастгирии иловагӣ барои волидони кӯдакони маълулро фароҳам меорад. Ин манбаъҳо онлайн ва офлайн дастрас хоҳанд буд.
Акс аз саҳифаи фейсбукии UNICEF Tajikistan
