Абдурауф Ҳалимов ҳанӯз аз 10-солагӣ рӯ ба рассомӣ овард ва акнун дар жанрҳои чеҳранигорӣ, манзаранависӣ ва тахайюлӣ маҳорати хубе касб кардааст.
Абдурауф хонандаи синфи 9-и мактаби №1-и ноҳияи Темурмалик буда, бо тавсияи бобояш аз 10-солагӣ ба рассомӣ мепардозад ва аз синфи дуюм ба Маркази таҳсилоти иловагии ноҳия меравад. Устоди аввалинаш Убайдулло Давлатов буда, ба ин наврас нозукиҳои рассомиро омӯхтааст.
Убайдулло Давлатов, директори Маркази таҳсилоти иловагии ноҳияи Темурмалик мегӯяд, Абдурауф аз овони кӯдакӣ истеъдоди фавқуллода дошт. Бинобар ин, дар як муддати кӯтоҳ тавонист рассоми хубе гардад.
Ин рассоми наврас дар чандин озмуни ноҳиявӣ, вилоятӣ ва ҷумҳуриявӣ ширкат варзида, сазоворӣ мақомҳои ифтихорӣ гардидаст. Соли 2021 Абдурауф дар озмуни расомони ҷавони Хатлон барандаи ҷоизаи раиси вилоят гардид.
Убайдулло Давлатов мегӯяд, пайдо кардани чунин шогирдони болаёқат вақтҳои охир на танҳо дар ноҳияи Темурмалик, балки дар саросари кишвар мушкил шудааст ва Абдурауф яке аз хонандагони ангуштшумор дар ҳудуди ноҳияи Темурмлик аст, ки рӯй рассомӣ рӯ овардааст.
«Натиҷаи кори чунин наврасону ҷавонони боистеъдод дар саросари кишвар ва берун аз он сарафрозии мо ва ноҳия аст.»,-таъкид мекунад Убайдулло Давлатов.
Шералӣ Давлатов
