БИЗНЕС-КЛУБ30 ғояи беназири тиҷорати хурд дар соли 2022 (Имтиҳон...

30 ғояи беназири тиҷорати хурд дар соли 2022 (Имтиҳон кунед)

-

Оё шумо дар ҷустуҷӯи ғояҳои дурусти тиҷорати хурд дар имсол ҳастед?

Рӯйхати 30 ғояи тиҷорати хурдро пешниҳод мекунем, ки метавонед имтиҳон намоед.

Хушбахтона, оғози ин тиҷоратҳо барои шумо осонанд, пеш аз ҳама сармоягузории зиёди молиявиро талаб намекунанд. Танҳо таҷрибаи ками техникӣ бояд дошта бошед.

1.Хадамоти назофат

Дар бораи оғози тиҷорати назофаткорӣ фикр кунед. Зеро, хеле осон аст ва шумо метавонед бо сармояи хеле кам ба кор шурӯъ намоед. Баъзан вақт ба шумо танҳо собун ва моеъи шустушӯӣ лозим мешавад.

Хадамоти тамизкории хона: Дар ҳамсоягии худ баъзе мутахассисони аз ҳад зиёд машғул ва муҷаррадро медонед? Чаро ба онҳо наздик нашаведу бо пули ночиз хонаашонро тоза накунед? Шумо ҳайрон мешавед, ки чӣ гуна ин тиҷорат метавонад зуд рушд кунад.
Тозакунии мошин: Баъзе соҳибони мошинҳо барои тоза кардани мошинҳои худ вақт надоранд. Чаро ба онҳо каме кӯмак нарасонед? Шумо ҳатто метавонед ба ширкатҳо муроҷиат кунед ва хоҳиш кунед, ки парки мошинҳои онҳоро тоза менамоед.
Тозакунии қолин: Оғози хадамоти тозакунии қолинҳои муассисаҳои тиҷоратӣ ё хонаро низ хуб аст.

2. Тиҷорати нависандагии озод ё фрилансерӣ

Навиштани озод яке аз осонтарин тиҷорати онлайн аст, ки дар соли 2022 метавонед оғоз кунед. Компютер ва пайваст намудани он ба интернет бароятон лозим меояд.

Бар хилофи ақидаҳои маъмул, барои оғоз кардани кор ба шумо лозим нест, ки дараҷаи журналистика, адабиёт ё забони англисӣ дошта бошед.

Агар шумо дар як соҳаи муайян таҷриба дошта бошед, —  тариқи навиштан дар ин мавзӯъ ё наворбардории видео барои канали YouTube-и худ метавонед тиҷорати хешро оғоз бахшед.

3. Amazon Kindle Publishing

Шумо метавонед ҳатто ҳангоми истироҳат бо навиштан пул кор кунед. Шумо бешубҳа, метавонед, ба шарофати Amazon Kindle Publishing ин корро анҷом диҳед. Интишори Amazon kindle-чунин аст кори он: Шумо китоб менависед ва онро ба Amazon Kindle Publishing бор мекунед. Гурӯҳи баррасии Amazon китобро баррасӣ менамояд. Пас аз тасдиқ, он дар Amazon нашр мешавад ва хонандагон метавонанд китоби шуморо харидорӣ кунанд. Аз фурӯши ҳар китоб Amazon як фоизи муайянро мегирад ва боқиро ба шумо вогузор менамояд.

4. Нигоҳубини кӯдак

Оё шумо бо кӯдакон хуб муносибат карда метавонед? Чаро ба волидайни серкор кумак накунеду бо тиҷорати кӯдакистон замина нагузоред?

Оғози тиҷорати нигоҳубини рӯзона метавонад фоидаовар бошад. Илова бар ин, ба шумо сармоягузорӣ лозим нест. 

5. Нигоҳубини ҳайвонот

Агар ба шумо доштани ҳайвоноти хонагӣ маъқул бошад ва нигоҳубини онҳо бароятон душвор нанамояд, пас дар бораи оғози тиҷорати нигоҳубини ҳайвонот фикр кунед.

6. Наворгирӣ аз фазо

Талабот ба аксбардорӣ аз фазо дар даҳсолаи охир ниҳоят серталабот шуд. Агар шумо аз идораи дрон мебароед — ё ҳадди аққал онро зуд ёд мегиред — тиҷорати аксбардорӣ (наворбардорӣ) аз фазо фикри бад нахоҳад буд.

Хушбахтона, як дрони хуб гарон нест — бо камтар аз 1,500$ шумо метавонед аз мағозаҳои интернетӣ харидорӣ намоед.

Мизоҷони идеалии шумо: таҳиягарони амволи ғайриманқул, навхонадорон, коргардонҳои филм ва мусиқӣ.

7. Сохта ва фурӯши мавзӯҳои онлайн

Шумо аз тариқи WordPress метавонед корҳоеро анҷом диҳед, масалан, блогсозӣ.

Аммо, агар шумо дар бораи WordPress дониши маҳдуд дошта бошед, шумо метавонед кори худро бо Bootstrap, CSS, HTML ва Js анҷом дода дар GetBootstrap гузоред.

8.Блогерӣ

Барои муваффақ шудан дар блогерӣ, шумо бояд ҷойеро бо рақобати кам пайдо кунед ва ҷиддӣ вориди ин кор шавед. Блогерӣ як идеяи хуби тиҷоратӣ барои донишҷӯён ва модарони хонашин мебошад.

9.Қосиди ғизорасон

Боз кардани тарабхона метавонад даҳшатовар ва сармояталаб бошад. Агар шумо дар ҷустуҷӯи кор, вале бидуни маблағ ҳастед, аз интиқоли хӯрок оғоз кунед.

Ин чунин натиҷаовар аст: шумо дар хона таомҳои босифату болаззат омода мекунед ва сипас онҳоро ба коргоҳҳо ва хонаҳо ба мизоҷонатон мерасонед.

10.Идоракунии амвол

Агар шумо қаблан дар соҳаи амволи ғайриманқул кор карда бошед ё шумо танҳо дар мудирият маҳорат дошта бошед, метавонед муваффақ шавед.

Гап сари он аст, ки бисёре аз соҳибони амвол, ки барои идораи амволи худ дар саросари шаҳр вақт надоранд, ба онҳо касе лозим аст, ки ба боварии онҳо сазовор гашта, ки иҷорапулӣ ҷамъоварӣ кунад, ашёи шикастаро дуруст намояд, иҷорагирони бадро аз хона берун кунад.

(Идома дорад)

Баргардонии матлаб аз сомонаи adoric.com

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
7

+1
1

+1
0

+1
0

+1
0

+1
0

+1
0

ХАБАРҲОИ ОХИРИН

Форум дар Брюссел ва имзои ду ёддошти тафоҳум

Дар форуми сармоягузорӣ, ки 18 май дар Брюссел баргузор гардид роҳбарону намояндагони ниҳодҳои мухталифи Иттиҳоди Аврупо, Парлумони Аврупо, роҳбарон...

Омодагӣ дар Дубай бозӣ дар Қирғизистон

Дастаи мунтахаби Тоҷикистон дар Дубай бозиҳои дуҳафтаинаи таълимиро оғоз кард, ки ҳадаф омодагӣ ба мусобиқаи интихобии Ҷоми Осиё-2023 дар...

6 барномаи навраси тоҷик дар Play Market

Як навраси 16-солаи тоҷик ҳанӯз аз 5 соли қабл ба барномасозӣ шурӯъ кард ва то кунун чандин барномаи ӯ...

Муҳоҷирон чаро Русияро ба Аврупо иваз карданд?

Муҳоҷирати меҳнатӣ як раванди табиист, ки нерӯи кории кишварҳои ҷаҳони сеюм аз сар мегузаронанд. Тибқи иттилои расмӣ, аксари корҷӯёни кишвар...
spot_imgspot_img

«Москвич»-и нав чинӣ мешавад?

Пас аз ба тавозуни Маскав гузаштани заводи Renault мансабдорони сатҳҳои гуногун дар бораи он сӯҳбат кардаанд, ки ширкат то...

Huawei Watch D-соат ё табиб?

Соати чинӣ, ки охири соли гузашта дар Чин намоиш дода шуд, акнун дар Аврупо ва дигар минтақаҳо бо арзиши...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад