Шурӯъ аз фардо, аз 11 то 15 март дар шаҳри Душанбе Чемпионати Ассотсиатсияи футболи Осиёи Марказӣ (CAFA) миёни дастаҳои мунтахаби бонувони то 18-сола баргузор мешавад.
Ба иттилои Кумитаи олимпии Тоҷикистон, дар чемпионат мунтахабҳои ҷавонзанони Тоҷикистон, Узбекистон, Эрон ва Қирғизистон ширкат мекунанд. Тими мунтахаби бонувони ҷавони Тоҷикистонро (U-18) ба ин мусобиқа сармураббӣ Изатулло Исҳоқов омода мекунад.
Ҳамагӣ дар доираи чемпионати CAFA-2022 шаш бозӣ анҷом шуда, кулли бозиҳо дар Варзишгоҳи марказии ҷумҳуриявии шаҳри Душанбе сурат мегиранд.
Тибқи низомнома Чемпионати CAFA-2022 миёни бонувони ҷавони то 18-сола дар асоси низоми даврӣ як давр доир мегардад. Дастае, ки холи бештар ба даст меорад, ғолиб мегардад.
Чемпионати CAFA-2022 миёни бонувони ҷавон (U-18)
Иштирокчиён: Тоҷикистон, Узбекистон, Эрон, Қирғизистон.
Тақвими бозиҳо:
1-ум давр
11 март (ҷумъа)
14:00 – Узбекистон – Эрон
17:00 – ТОҶИКИСТОН – Қирғизистон
2-юм давр
13 март (якшанбе)
14:00 – Қирғизистон – Узбекистон
17:00 – Эрон – ТОҶИКИСТОН
3-юм давр
15 март (сешанбе)
14:00 – Эрон – Қирғизистон
17:00 – ТОҶИКИСТОН – Узбекистон
