Сокинони як деҳаи тоҷикнишини Узбекистон бо маблағ ва меҳнати хеш мактаби тоҷикӣ бунёд доранд.
Фитрати Ҳикмат як истифодабарандаи шабакаи иҷтимоии фейсбук дар саҳифаи хеш менависад, ки онҳо дар деҳаи Иштошуни ноҳияи Букаи Ӯзбекистон иқомат доранд ва ҳамагӣ масчоӣ ҳастанд.
“Маблағи лоиҳавии сохтмони ин мактаб, ки наздик ба 3 миллион сомонӣ гуфта мешад, пурра аз ҳисоби худи мардуми ин деҳа аст. Ба ҳар сари хонавода тақрибан 10 ҳазор сомонӣ рост меояд. Сохтмони мактаб беш аз ду моҳ аст, ки идома дорад ва ҳамарӯза дар кори сохтмони он аз 150 то 200 нафар иштирок мекунад. Бинокорон ҳама ройгон кор мекунанд ва касе ҳаққи хидмат намегирад.»-иттилоъ додааст Фитрати Ҳикмат.
Фитрат менависад, дар ҳашарҳо аз рӯйи синну сол ширкат мекунанд: “масалан, як рӯз мардони соли таваллудашон 1980, фардои дигар таваллудшудагони соли 1981 ва ҳамин тарз то соли 2002-03.”
Ин мактаб барои 350-400 хонанда дар як баст пешбинӣ шуда, сокинони деҳаи Истошон кӯшиш доранд сохтмони ин мактабро то соли нави таҳсил ба анҷом расонанд ва дар рӯзи якуми сентябри 2022 онро мавриди баҳрабардорӣ қарор диҳанд.
