МУВАФФАҚИЯТЧаро Шерзод маҳсули эҷодашро аз коғаз ба девор кӯчонида...

Чаро Шерзод маҳсули эҷодашро аз коғаз ба девор кӯчонида наметавонад?

-

Шерзод Бойматов. Аксҳо дар матн аз бойгонии қаҳрамон

Граффити зебоӣ бахшидан аст, вале ҳоло дар кишвари мо қонунгузорӣ дар кӯчаҳо кашидани онро манъ кардааст. Бинобар ин, қаҳрамони мо маҳсули эҷодашро танҳо рӯйи коғаз оварда метавонаду бас.

Граффити як навъи санъати рассомӣ маҳсуб ёфта, акнун ба кишвари мо низ расидааст. Бархе аз ҳаваскорон мехоҳанд дар ин ришта худро имтиҳон кунанд. Қаҳрамони мо аз ин теъдод аст ва нақшаҳои ҷолибе дорад.

Граффити расм нест, балки ҳарф ҳаст. Шикастани ҳарфҳо ва ба таври ғайриодӣ навиштани онҳо буда, ба гуфти қаҳрамони мо граффитиро ҳама дарк намекунанд. Ин намуди санъат бештар барои нафароне ошност, ки алоқаманди граффити ҳастанд.

Шерзод Бойматов, донишҷӯи соли сеюми Консерваторияи миллии Тоҷикистон буда, се сол аст, ки  граффити мекашад. Ӯ мегӯяд, айёми мактабхонӣ ба рассомӣ шавқи зиёд дошт ва зиёдтар мехост граффити кашад. Агарчи дарк намекард, ки ин чӣ гуна санъат аст ва ҳатто номашро дуруст намедонист. Бо гузашти солҳо ба интернет дастрасӣ пайдо кард ва ба омӯхтани ин риштаи санъати тасвирӣ пардохт.

Граффитиро Шерзод аз интернет омӯхтааст ва ҳамчунин ба ӯ рафиқони русаш тариқи интернет ёрӣ мерасонанд. Шерзод ба ин фикр аст, ки ҳоло фазои маҷозӣ метавонад устод дар ҳама соҳот бошад.

Графитиро, ки санъати кӯчагӣ ном мебаранд, ҳамсуҳбати мо ба он хотир интихобу омӯхтааст, ки дар кишвари мо мутахассис надорад. Аниқтараш, пештар будаанд, вале ҳоло фаъолият намекунанд. Ҳоло Шерзод бо тахаллуси “SHERA  ONE” граффити мекашад.

Айни замон граффати барои Шерзод фоидаи моддӣ намеорад, балки хароҷот маҳсуб мешавад. Зеро, ӯ тамоми лавозимотро харидорӣ мекунад то граффти эҷод ва аз ин кораш ҳаловат барад.

Манбаи даромади Шерзод расмкашӣ дар девори муассисаҳои гуногун аст. Яъне, фармоиш қабул намуда, супоришро иҷро карда, ҳаққи хидматашро мегирад.

Ӯ аллакай як шогирд дошта, ройгон омӯзиш медиҳад. Мехоҳад теъдоди шогирдонашро афзун намуда, ин намуди санъати графитиро дар кишвар рушд диҳад.

Ҳ. Тоҳирӣ

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
7
+1
4
+1
0
+1
0
+1
0
+1
1
+1
0

ХАБАРҲОИ ОХИРИН

Кумаки Тоҷикистон ба Туркия расид

Бо супориши Эмомалӣ Раҳмон, Президенти Тоҷикистон ба зарардидагони зилзила дар Туркия кумаки башардӯстона фиристода шуд. Кумаки башардӯстона аз маҳсулоти зарурии...

RuStore ҷойгузини Google Play мегардад?

Ширкати русии ВК ба ҷойи мағозаи онлайнии Google Play ҷойгузин мехоҳад пешниҳод намояд. RuStore-мағозаи онлайни барномаҳо барои системаи оператсионии Android...

Қаллобон бо равишҳои нав мардумфиребӣ мекунанд

Дар шабакаи иҷтимоӣ боз як эълони нави фиребгарон чарх мезанад, ки ин навбат онҳо номи бонк ва номи ҳаммуассисамон...

Вокуниши Москвич ба интиқодгарон

"Москвич-3" мушкили набудани  гармӣ дар курсиро ҳал кард. Аксарият бинобар ноқисӣ дар ин бахш аз ширкат интиқод мекарданд. Акнун...
spot_imgspot_img

Талафоти ҷонӣ дар Туркия беш аз 12 ҳазор

Бар асари заминларзаи 7,7 ва 7,6 дараҷаӣ дар 10 вилояти Туркия, дастикам 12 ҳазору 391 нафар ҷони худро аз...

Нерӯгоҳи Зиёдалӣ хонаи ҳамдеҳагонашро фурӯзон мекунад

Зиёдалӣ Талбекзода на танҳо нерӯгоҳи офтобӣ, ҳамчунин, дастархони электронӣ, арғунчак, мошини хурд барои кӯдакону наврасон  ва даҳҳо дастгоҳи дигар...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад