Аз аввали моҳи январи имсол вобастагӣ аз бозии компютерӣ ҳамчун беморӣ эътироф шуд.
Созмони Умумиҷаҳонии Тандурустӣ вобастагӣ аз бозии компютериро як навъи нави ихтилоли равонӣ медонад.
Тибқи таснифи нави байналмилалии омори бемориҳо вобастагӣ аз бозии компютерӣ беморӣ дониста шуд.
Ёдовар мешавем, ки соли 2019 Созмони Умумиҷаҳонии Тандурустӣ дар ассамблеяи 72-юми Ҷаҳонии Тандурустӣ ҳукм карда буд, ки «вобастагӣ аз бозиҳои компютерӣ» як беморӣ аст. Ба тарафдории ин 194 нафар иштирокчӣ овоз дода буданд. Бемории нав ба таснифи байналмилалии омори бемориҳо ва мушкилоти марбут ба саломатӣ (ICD-11) илова карда шуда буд, ки аз 1 январи соли 2022 эътибор пайдо намуд.
Тибқи меъёрҳои нав, шахсе бемор ҳисобида мешавад, ки агар бозиҳо ба ҳаёти ӯ ба шакле таъсири манфӣ расонанд ва аз дигар манфиатҳои ҳаётан муҳим пеш гузошта шаванд, инчунин боиси халалдор шудани таълим, оила ва дигар соҳаҳои ҳаёт шаванд.
