Филм кӯтоҳи ҳунарии “Бозгашт”, ки дар он шодравон Назирмати Мӯсо нақш бозида буд, ба намоиш гузошта шуд.
Охирин нақшро Назирмати Мӯсо дар ин филм бозид, вале онро надида дунёро тарк кард. 17 май соли 2021 замоне, ки филм дубляж мешуд, Назирмати Мусо бар асари сактаи қалб аз олам чашм пӯшид.
Филми мазкур бо коргардонии роҳбари Муассисаи давалатии вилоиятии “Хатлонсинамо” Зафари Валӣ рӯи пардаи синамо омада ва дар он ҳунармандон Назирмати Мӯсо, Муҳаммад Алӣ Маҳмадов, Моҳпайкар Ёрова, Савригул Қурбонова, Ҷовидон Маҳмадов ва дигарон нақш офариданд. Муаллифони филмном Акбари Ёр ва Далер Ҳасанзода мебошанд.
Филм ахиран дар кохи Лоҳутии шаҳри Бохтар намоиш дода шуд. Филми мазкур аз зиндагии марде қисса мекунад, ки ҳангоми ҳаракат дар роҳ хонанди мактабро бо мошин пахш мекунад ва аз ҷои ҳодиса фирор мекунад. Бо гузашти солҳо чунин ҳодиса боз ба сари худаш меояд. Бархурди мард бо чунин мушкилот ва инъикоси зиндагии духтар дар аробачаи маъюбӣ дар меҳварии асоси филм филм мебошад.
Нахустнамоиши филм кӯтоҳи ҳунарии “Бозгашт” ба ёдбуди ҳунарманди халқии Тоҷикистон Назирмати Мусо бахшида шуд ва қабл аз намоиши филм, филми мустанади “Сиришт”, ки ҳаёт ва фаъолияти Назирмати Мусоро дар бар мегирад, пешниҳоди аҳли толор гардид.
Назирмад Мӯсоев 22 декабри соли 1952 дар ноҳияи Маскав (Ҳамадонии кунунӣ)-и вилояти Хатлон таваллуд шудааст. Ӯ Донишкадаи давлатии умумииттифоқии кигнематография (ВГИК) дар Маскавро хатм намуда, дар даҳҳо филмҳои замони шӯравӣ ва солҳои соҳибистиқлолии кишвар нақшаҳои мондагоре бозидааст.
О. Маҳмад
