Дирӯз, 26 январ дар Душанбе мулоқоти кории раҳбарияти Федератсияи футболи Тоҷикистон ва ҳайати Ассотсиатсияи футболи Чин (CFA) баргузор гардид.
Дар ҷаласа ноиби президенти Федератсияи футболи Тоҷикистон Алишер Урунов, дабири кулли ФФТ Фурқат Аҳмаджанов ва сардори Раёсати байналмилалии ФТФ Давлатманд Исломов ширкат доштанд. Ҷониби Чинро муовини дабири кулли Ассотсиатсияи футболи Чин Си Хэ, роҳбари департаменти мусобиқаҳои CFA Сонг Хуанг ва Департаменти миллии рушди футболи CFA Ючен Юэ намояндагӣ карданд.
«Ҷонибҳо дурнамои ҳамкориҳои минбаъдаи федератсияҳои футбол, баргузории бозиҳои байналмилалии дӯстона байни дастаҳои гуногуни мардонаю занона, ҷавонон ва футзали ҳарду кишварро муфассал баррасӣ карданд.»,-хабар медиҳад Федаратсияи футболи Тоҷикистон.
Акс аз fft.tj
