«Москва, метрои «Люблино». Мо кор мекунем!»- хайпе буд, ки охири моҳи ноябр як гуруҳ размкорони тоҷикистонӣ дар толори варзишие анҷом доданд ва зимни тамрин Реал Мадрид низ аз он тақлид кард ва якбора бинандагони видео дар TikTok ва дигар шабакаҳои иҷтимоӣ ба милионҳо расид.
Ҳамааш аз як ҳаракати мураббии муҳорибаи омехта (MMA) бо номи Ризвон оғоз ёфт. Дар аккаунти “Тик Ток”-и худ ӯ видеоҳои машқро аз толори варзишие, ки дар наздикии истгоҳи метрои Люблино ҷойгир аст, гузошт. Дар видео ҷавонон бо зону ҳаракати хоссе анҷом дода пеш мераванд.
Дар ибтидо аксарият расонаҳои руссӣ гуфтанд, ки инҳо ҷавонони қафқозӣ ҳастанд. Вале Ризвон Ошурмамадов дар мусоҳибаҳои хеш бо блогерону телевизионҳо гуфт, агарчи ӯро ба доғистонию озариҳо шабеҳ мекунанд, ӯ намеранҷад. Вале барояш хушоянд аст, ки дақиқ кунанд Ризвон аз куҷост ва кадом миллат аст. Ӯ босароҳат мегӯяд, тоҷик аст ва ифтихор мекунад.
