Ҳафтаи муд (Fashion week Tajikistan) рӯзҳои 18, 19 ва 20- уми ноябри соли равон дар меҳмонхонаи Hyatt Regency Dushanbe идома мекунад. Бояд гуфт, дар Тоҷикистон соли чорум аст, ки Ҳафтаи муд доир мегардад ва ин навбат Симои фасли ҳафтуми Ҳафтаи муд Нигина Фахридинова интихоб шуд.
Дар фасли 7- уми Fashion week Tajikistan тарроҳони Тоҷикистон, Ӯзбекистон, Қирғизистон, Қазоқистон, Русия, Эрон, Қибрис, Украина, Фаронса, Марокко ва Дубай коллексияи нави худро пешниҳод намуданд ва дар Ҳафтаи муд 22 тарроҳ ва бренди машҳур ширкат варзиданд.
Баргузории Ҳафтаи муд таҷрибаи пешқадами соҳа дар аксарияти кишварҳои хориҷӣ дониста мешавад. Дар ҷарёни баргузории Ҳафтаи муди Тоҷикистон 3 тарроҳ аз Тоҷикистон ширкат ва коллексияи худро муаррифӣ карданд. Инчунин 12 донишҷӯи беҳтарини риштаи тарроҳии Донишгоҳи техналогии Тоҷикистон ва Донишкадаи давлатии санъати тасвирию дизайни Тоҷикистон низ ширкат ва маҳорати зебоиофарии худро нишон доданд.
Дар таърихи муди Тоҷикистон бори аввал аст, ки поягузори Ҳафтаи муди Париж “Oriental Fashion Show Paris” Ҳинд Ҷоудар бо тарроҳонаш ширкат меварзанд.
Ёдовар мешавем, ки Ҳафтаи муди Тоҷикистон бо ташаббуси “T&Z” ва дастгирии Вазорати саноат ва технологияҳои нави Тоҷикистон баргузор гардид.
Аминҷон Раҳматзода
