Конститутсияи Ҷумҳурии Тоҷикистон ба ҳар кас ҳуқуқ медиҳад, ки ба танҳоӣ ва ё якҷо бо дигарон ба мақомоти давлатӣ муроҷиат намояд.
Ҳуқуқи муроҷиат карданро на танҳо шаҳрвандони мамлакат, балки шаҳрвандони хориҷӣ ва шахсоне бешаҳрванд низ доранд.
Ҳуқуқи муроҷиат кардани инсон бо дигар ҳуқуқ ва озодиҳо алоқаманд аст. Ҳуқуқи муроҷиат кардан мутлақ аст ва ҳатто дар шароити вазъияти фавқулодда ҳам маҳдуд карда намешавад.
Муроҷиат ин:
-Ариза;
-Дархост;
-Таклиф;
ва шикоят аст!
Муроҷиат ба шаклҳои гуногун амалӣ мегардад:
-Қабули шахсӣ;
-Хаттӣ;
-Электронӣ;
-Телефонӣ;
-Муроҷиат тариқи воситаҳои ахбори омма.
Муроҷиат тариқи телефон
Бояд муҳтавои муроҷиат, насаб, ном, номи подар, суроға, рақами телефон дар он баён карда шавад.
Шахсе, ки муроҷиати телефониро қабул мекунад, ҳамаи гуфтаҳоро дар як ҳуҷҷат дарҷ мекунад ва онро бо имзои худ тасдиқ менамояд. Дар ин сурат, муроҷит қабулшуда ҳисоб мегардад.
Муроҷиати электронӣ
Дар муроҷиати электронӣ насаб, ном, номи падари муроҷиаткунанда, суроғаи почтаи электронии мурҷоиаткунанда ва муҳтавои мурҷоиат зикр мешавад.
Муроҷиати электронӣ дар он ҳолате қабулшуда ҳисобида мешавад, ки он аз дастгоҳи муроҷиаткунанда ба суроғаи қабулкунандаи муроҷиат фиристода шуда бошад. Ин тартибро қонун «Дар бораи ҳуҷҷатҳои электронӣ» пешбинӣ кардааст.
Муроҷиатҳое, ки ба воситаҳои ахбори омма фиристода шудаанд, мувофиқи қонун «Дар бораи матбуот ва дигар воситаҳои ахбори омма» мавриди баррасӣ қарор дода мешаванд.
Муроҷиатҳои шифоҳии шаҳрвандон дар сурате ба қайду баррасӣ гирифта мешавад, ки агар шахсияти муроҷиаткунанда маълум ва муайян бошад.
Муроҷиатҳои шифоҳӣ аз рӯзи муроҷиат ба қайд гирифта мешавад ва аз натиҷаи баррасии он ба шахси муроҷиаткунанда огоҳ карда шавад.
Муроҷиати шаҳванд дар мӯҳлати то як моҳ, вале муроҷиате, ки омӯзишу таҳқиқи иловагиро талаб намекунад, дар давоми 15 рӯз баррасӣ бояд шавад.
Вале мақомоту ташкилоти дахлдор, ки муроҷиатҳои шахсони воқеӣ ва ҳуқуқиро баррасӣ менамоянд, вазифадоранд, ки муроҷиаткунандаро дар мӯҳлати се рӯз аз лаҳзаи қабули қарор оид ба ирсоли муроҷиат барои баррасӣ аз рӯи тобеият ба дигар мақомоту ташкилоти дахлдор хабардор намоянд.
Вале ҳуқуқшинос Фахриддин Фузайлов мегӯяд, имкони дароз кардани муҳлати баррасӣ боз 1 моҳи дигар имкон дорад.
«Агар мақомот ё корхонаву ташкилот чунин шуморад, ки барои баррасии холисона ва ҳаматрафаи муроҷиат вақти иловагӣ зарур аст, метавонад роҳбари корхона, муассиса, ташкилот ё ин ки мақомот бо қабули қарор мӯҳлати баррасии муроҷиатҳоро боз то 30 рӯз дароз намояд ва дар ин бора ба муроҷиаткунада дар давоми 3 рӯз хабар дода мешавад.»,-мегӯяд ин ҳуқуқшинос.
Оё шумо ба ин ё он ниҳод муроҷиат кардаед. Чӣ гуна посух гирифтед?
Дар саҳифаҳои иҷтимоии мо нависед!
Маълумоти бештар дар эксплейнери мо:
