Роҳбари Кореяи Шимолӣ Ким Чен Ин қарор кардааст, ки 1000 муҳандиси минаҷӯ (сапёр) ва 5000 сохтмончиро аз ҳисоби низомиён барои барқарорсозии вилояти Курск ба Русия фиристад. Дар ин бора Сергей Шойгу, котиби Шӯрои амнияти Федератсияи Русия, пас аз анҷоми сафараш ба Кореяи Шимолӣ изҳор доштааст. Суханони ӯ
Ба гуфтаи ӯ, Маскав ва Пхенян инчунин тасмим гирифтаанд ба хотири гиромидошти сарбозони кореягии ҷонбохта дар озодсозии вилояти Курск ёдгорие гузошта шавад.
«САРОНИ ДУ КИШВАР ҚАРОР ҚАБУЛ КАРДАНД, КИ КОРНОМАИ САРБОЗОНИ АРТИШИ ХАЛҚИИ КОРЕЯ, КИ ДАР ҶАНГҲО ШИРКАТ ДОШТАНД, АБАДАН ГИРОМӢ ДОШТА ШАВАД. ҚИСМАН, СУХАН ДАР БОРАИ БУНЁДИ ЁДГОРИҲО ДАР РУСИЯ ВА КОРЕЯИ ШИМОЛӢ МЕРАВАД, КИ БА ХОТИРИ САРБОЗОНИ ҲАЛОКШУДА ДАР ҶАНГҲО БАРОИ ОЗОДСОЗИИ ҚАЛАМРАВИ РУСИЯ БАХШИДА ШУДААНД. ДАР РОБИТА БА ИН, ЗИМНИ САФАРИ ИМСОЛА МАСЪАЛАИ СОХТАНИ МАҶМААИ ЁДГОРӢ БО ОСОРХОНА ДАР ПХЕНЯН БО ШИРКАТИ ҶОНИБИ РУСИЯ БАРРАСӢ ШУД.», — ИЛОВА КАРДААСТ ШОЙГУ.
Рӯзи 17 июн, Шойгу сеюмин бор дар давоми се моҳи охир бо сафари расмӣ дар Пхенян қарор дошт. Ӯ чунин зичии сафари худро бо пешрафти босуръати татбиқи Созишномаи ҳамкории стратегии ҳамаҷониба байни Москва ва Пхенян тавҷеҳ кард.
