Бунавша Султонӣ, як ҷавондухтари фаъоли афғон аст, ки чанд соли ахир дар шаҳри Ваҳдат зиндагӣ мекунад. Ӯ мақоми паноҳандагӣ дорад, вале дар Тоҷикистон худро бегона эҳсос намекунад. Дар корҳои ҷамъиятӣ ҳамеша фаъол аст.
Вақте Ташкилоти ҷамьиятии “Маьрифати шаҳрвандӣ” дар доираи Лоиҳаи «Ташаббусҳои ҷавонони тоҷику афғон дар пешгирии хатарҳои тағйирёбии иқлим» корро шурӯъ намуд, Бунавша яке аз фаъолон буд. Ин лоиҳа аз ҷониби Комиссия оид ба Барномаҳои рушди демокиратияи Сафоратхонаи Амрико дар Душанбе дастгирии молиявӣ ёфт.
Дар доираи лоиҳа беш аз 60 нафар ҷавони тоҷику афғон ба омӯзиш фаро гирифта шуда мавзӯҳои экологӣ, инчунин навиштани лоиҳаҳоро омӯхтанд. Пас аз омӯзиш озмуни дарёфти субгрант эълон гардида, 10 нафар соҳиби субгрант шуданд.
Мақсад аз пешниҳоди субгрантҳои хурд дастгирии ташаббусҳои навоваронаи ҷавонон дар самти кор бо ҷомеаи маҳал барои беҳтар кардани муҳити зист, паст кардани таъсири тағйирёбии иқлим буд, ки ҷавонони ташаббускор маблағҳои дар грантҳои хурд нишондодаро барои харидории белу каланд, муза, омода намудани панара барои доштани ифлосии канал, қуттӣ барои партовҳои пластик, нашри варақа ва гӯшаи тарғиботӣ барои огоҳонии аҳолӣ ва ҷалби онҳо ба ҳашарҳои тозагардонии канал сарф карданд.
Бунавша Султонӣ яке гирандагони субгрант буд. Зеро, лоиҳаи ҷолибе таҳия навишта буд. Ӯ брошураҳои иттилоотӣ чоп намуда, байни ҷавонони тоҷику афғон аксияҳои таблиғотӣ гузаронд, ки аз натиҷаи корҳои хеш қаноатманд аст.
«Муваффақияти кори мо дар он аст, ки лоиҳа дар ҳамбастагии мардуми тоҷику афғон кумак мекунад ва Иттиҳоди ҷавонони тоҷику паноҳандагони афғон метавонад дар пешгирии хатарҳои тағйирёбии иқлим нақши муассире дошта бошад.«,-мегӯяд Бунавша.
