Мавзӯи ҳамоиши навбатии «Забони англисӣ бидуни сарҳадҳо» истифодаи техналогия барои беҳтару пурсамар кардани омӯзиши забони англисӣ буд. Омӯзгорон, меҳмон масъаллаи тадрис бо усулҳои нав ва истифодаи техналогияи муосирро барои пурсамар кардани омӯзиш баҳс карданд. Дар ин конфронс аз саросари кишвар омӯзгорони забони англисӣ ширкат карданд.
Ҳамоиши «Забони англисӣ бидуни сарҳадҳо» (EWB)-ро Ташкилоти ҷамъиятии «Дурахши маърифат» бо дастгирии Сафорати ИМА дар Тоҷикистон амалӣ мешавад.
Забони англисӣ бидуни сарҳадҳо (EWB) –ин чаҳорчуби касбӣ ва шиносоӣ буда, имконияти иштирок дар тренингҳои инфиродӣ, омӯзиши усулҳои нави таълимро фароҳам меорад. Истифода аз таҷрибаи омӯзгорони ҷаҳон, касби равишҳои нави таълим ва корбурди онҳоро метавон дар ҳамоишҳои “English Without Borders” аз худ карда, имконияти дастрасӣ ба бурсияҳоро ба даст овард.
Ҳамоиши “English Without Borders” рӯзҳои 27-28 октябри соли равон дар меҳмонхонаи “Румӣ”-и шаҳри Душанбе доир гардид. Дар қисмати аввали рӯзи якуми чорабинӣ ба онҳое, ки дар рушди забони англисӣ саҳм мегузоранд, сипосномаву ҷоизаҳо тақдим гардид.
Конфронс муаллимони забони англисӣ, мутахассисон ва олимонро барои табодули афкор, омӯхтани тамоюлҳои ҷорӣ, тавсеаи шабакаҳои касбӣ дар саросари минтақа, дастрасӣ ба маводҳои маҳаллӣ ва байналмилалӣ барои таълими забони англисӣ ва дар бораи EWB ва кӯшишҳои он барои эҷоди ҷомеа, иқтидор ва омӯхтани он муттаҳид мекунад.
Акси асосӣ аз саҳифаи фейсбукии Зинатмо Наврӯзшоева
