Дастаи мунтахаби Тоҷикистон дар Бозиҳои II кишварҳои Иттиҳоди Давлатҳои Мустақил (ИДМ), ки рӯзҳои 4-13 август дар Беларус доир гардид, бо касби 13 медал (1 тилло, 3 нуқра ва 9 биринҷӣ) дар байни 22 кишвари иштироккунандаи бозиҳо мақоми ҳаштумро ишғол кард.
Медали тиллоро аз Тоҷикистон танҳо Меҳроҷ Сӯфиҷонов (то 48 кг) ба даст овард. Ӯ дар бокс Зафарбек Комиловро аз Қирғизистон шикаст дод. Зимнан, ин аввалин нишони тиллои мунтахаби Тоҷикистон на танҳо дар бозиҳо дар Беларус, балки нахустин медали варзишгарони тоҷик дар таърихи варзиши тоҷик дар Бозиҳои кишварҳои ИДМ ба шумор меравад.
Рӯзи охири мусобиқа паҳлавони тоҷик Убайди Деваштич дар мусобиқаи самбо дар вазни то 79 кило медали нуқра ба даст овард. Муштзани дигари тоҷик Анӯшервон Фозилов дар вазни то 51 кило медали нуқра гирифт.
