Саймумин Мадиев, варзишгари муҳорибаҳои омехта дар як қувваозмоии шадид дар Алмаато ба рақиби қирғизистониаш Омурбек Қанибеков ғолиб омад.
Дирӯз, 21 декабр дар мусобиқаи Eurasian Fighting Promotion 2022 — OCTAGON 38, ки дар Алмаато ҷараён дорад, Саймумин рақобат намуд. Ҳамчунин аз Тоҷикистон Қамариддин Ҳасанов бо рақиби эронии хеш ва Фарҳод Давлатов бо ҳарифаш аз Узбекистон пирӯз омаданд.
Ин варзишгари ҷавони тоҷик дар се раунди 5-дақиқаӣ пешсаф буд ва бо раъйи ҳамаи доварон ӯ пирӯзи мубориза дониста шуд. Агарчи дар даври сеюм ҳарифаш бо зону зарбаи ғайричашмдошт ба рӯйи Саймумин зада, ӯро дар ҳолати ногуворе гузошт.
Саймумин баъди нашри як видео аз ҷониби мураббии муҳорибаи омехта (MMA) Ризвон Ошурмамадов бо номи «Москва, метрои «Люблино». Мо кор мекунем!» машҳур шуд. Ин мураббӣ тариқи “Тик Ток”-и худ видеоҳои машқро аз толори варзишие, ки дар наздикии истгоҳи метрои Люблино ҷойгир аст, гузошт. Дар видео ҷавонон бо зону ҳаракати хоссе анҷом дода пеш мераванд…
Саймумин Мадиев, варзишгари муҳорибаҳои омехта моҳи июни соли равон аз Маскав ихроҷ шуд. Ӯро барои надоштани қайди расмӣ ихроҷ карданд ва чандест, ки барои ин муҳориба дар Қазоқистон омодагӣ медид.
