Рӯзи охирини Ҷоми ҷаҳон оид ба бокс миёни кишварҳои истеҳсолкунандаи нефт муҳорибаҳои финалӣ миёни мардҳо сурат гирифт, ки варзишгари тоҷикистонӣ- Шамшер Саидов медали тилло ба даст овард.
Шамшер рӯзи 10 декабри соли равон дар муҳорибаи ниҳоии вазни 67кг варзишгари мизбон Руслан Пидгирнякро шикаст дод.
Варзишгарони мо миёни мардҳо, ҳамчунин 2 медали дигар – 1 нуқра, 1 биринҷӣ ба даст оварданд. Медали нуқраро Шаҳбоз Ҳаитов дар вазни 86кг сазовор шуд. Некрӯз Салимов дар вазни -80кг ба гирифтани медали биринҷӣ мушарраф гардид.
Миёни бонувон дар ин мусобиқа Миҷгона Самадова дар вазни -57кг медали тилло, Шоира Зулқайнарова дар вазни -60кг ва Меҳриноз Музаффарова дар вазни -81кг медали биринҷӣ ба даст оварданд.
Мусобиқа бо иштироки варзишгарон аз Озарбойҷон, Миср, Конго, Гурҷистон, Белорус, Тоҷикистон, Узбекистон 5-10 декабр дар минтақаи Белоярски Руссия баргузор гардид.
