Соҳибкори амрикоӣ ва молики Твиттер Илон Маск эълон кард, ки ҳисобҳои масдудшударо дар шабакаи иҷтимоӣ барқарор хоҳад кард, пас аз он ки аксари ширкаткунандагони назарсанҷӣ ба ҷонибдории “афв”-и саҳифаҳо овоз доданд.
«Ҷомеа мавқеи хешро гуфт. Афв ҳафтаи оянда оғоз мешавад. Овози мардум садои Худост)”,- навиштааст ӯ.
Қаблан Твиттер қароргоҳи аврупоии ин шабакаи иҷтимоии воқеъ дар Брюсселро барҳам дод.
Роҳбарияти дафтари Белгия дар авоили моҳи ноябр ҳангоми ихтисори калон ширкатро тарк карданд. Ҳафтаи гузашта кормандони дигар ин шабакаи иҷтимоиро тарк карданд, аз ҷумла роҳбарони сиёсати рақамии Twitter дар Аврупо Ҷулия Мозер ва Дарио Ла Наса. Маҳз кормандони барканоршуда барои риояи қоидаҳои Иттиҳоди Аврупо дар бораи маълумоти бардурӯғ дар шабакаи иҷтимоӣ масъул буданд.
Нигаронии Иттиҳодияи Аврупо аз он аст, ки ҳоло ширкат кормандони кофӣ надорад то қонунҳои маҳаллӣ барои назорат ва филтр кардани мундариҷаи онлайнро риоя кунанд.
