«Ҷиҳати рушди фаъолият дар самти иқтисоди сабз воситаҳои нақлиёти барқӣ аз пардохти боҷи гумуркии воридотӣ ва андоз аз арзиши иловашуда озод гардидааст, ки ин омил вобастагии бозори истеъмолиро аз маҳсулоти сӯзишвории воридотӣ давра ба давра кам намуда, дар татбиқи принсипҳои иқтисоди сабз саҳмгузор мебошад.», -ин нуктаро Абдураҳмон Абдураҳмонзода, муовини вазири рушди иқтисод ва савдои Тоҷикистон дар форуми «Ояндаи сабзтар ва беҳтар» ишора кардааст.
Ёдовар мешавем, ки рӯзҳои 16-17 ноябри соли 2022 дар шаҳри Алмато 17-умин Форуми иқтисодии Барномаи махсуси СММ барои иқтисодиёти Осиёи Марказӣ дар мавзӯи «Ояндаи сабзтар ва беҳтар» баргузор гардид, ки дар он Тоҷикистонро муовини вазири рушди иқтисод ва савдо Абдураҳмон Абдураҳмонзода намояндагӣ намуд.
Ба таъкиди Абдураҳмонзода, «Стратегияи рушди иқтисоди сабз дар Ҷумҳурии Тоҷикистон барои солҳои 2023-2037»-ро қабул кардааст, ки ҳадафу вазифаҳои пешбинамудаи он тақвияти ҳамкориҳои соҳа дар минтақа мусоидат менамояд.
Акс аз саҳифаи фейсбукии Вазорати рушди иқтисод ва савдо
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
+1
+1
+1
+1
+1
