Беш аз 60 мутахассис аз ширкатҳои нассоҷӣ ва дӯзандагии Тоҷикистон, ширкатҳои хидматрасони соҳа ва ниҳодҳои марбутаи давлатӣ дониши худро доир ба стандартҳои байналмилалии рушди устувори саноати нассоҷӣ ва дӯзандагӣ такмил доданд.
Мутобиқат ба стандартҳои байналмилалии рушди устувор барои ҳар як ширкати нассоҷӣ ва дӯзандагӣ, ки маҳсулоти худро ба бозорҳои бонуфуз содир кардан мехоҳад, муҳим буда, барои ноил гаштан ба ин ҳадаф, ширкатҳо бояд кафолат диҳанд, ки маҳсулоти онҳо ба як силсила талабот мувофиқ мебошад. Ин талабот, аз ҷумла, ба бехатарии истеъмолкунандагон, ҳифзи муҳити зист ва некӯаҳволии кормандон рабт дошта, риояи сиёсати мутобиқати иҷтимоиро талаб мекунанд.
Ибтикори мазкур аз ҷониби Барномаи ҷаҳонии нассоҷӣ ва дӯзандагии Маркази байналмилалии тиҷорат ва “Лоиҳаи рушди интегратсионии деҳот”, “Дастгирии рушди иқтисодии деҳот бо мақсади таъмини даромаднокии аҳолӣ” ва Вазорати федеролии ҳамкории иқтисодӣ ва рушди Олмон амалӣ гардидааст.
