Tesla мошинҳои барқии худро бидуни пуркунандаи барқ (charger) пешниҳод менамояд. Дар ин бора корбарони ин навъи нақлиёт тариқи Twitter хабар додаанд.
Яке аз аввалин шахсоне, ки ин навовариро пай бурд, истифодабарандаи Twitter бо лақаби Tesla_Adri буд. Ин нафар қайд кардааст, ки Tesla мағозаи онлайниро таҷдид намуда, ки дар он пуркунандаи барқ ба мошини бренди электрикӣ дохил нест.
Вокунишҳо ба ин иқдоми Tesla манфӣ буда, корбаре бо лақаби DblCapCrimpin мошинҳои электрикии Tesla-ро бо iPhone муқоиса кард, ки аз соли 2020 Apple смартфонҳоро бо василаи барқдиҳанда қатъ кардааст.
Директори генералии Tesla Илон Маск моҳи апрел ба шикоятҳои корбарон посух дода аз омори худ истинод овард, ки соҳибони мошинҳои электрикӣ хеле кам дастгоҳи алоҳидаи пуркунандаи барқро истифода мебаранд ва ба нуқтаҳои пурқудрати барқпуркунӣ бартарӣ медиҳанд.
Дар вебсайти Tesla Gen 2 Mobile Connector Bundle 275$ қимат дошта, аммо айни замон барои харид дастрас нест.
