Дар доираи омодагиҳо ба мусобиқаи интихобии Ҷоми Осиё-2023 мунтахаби наврасони Тоҷикистон (U-16) дар мусобиқаи байналмилалии рушди УЕФА, ки аз 3 то 8 май дар Македонияи Шимолӣ баргузор мешавад, ширкат мекунад.
«Дар мусобиқаи байналмилалии рушди УЕФА дар шаҳри Скопе мунтахаби наврасони Тоҷикистон (U-16) бо тимҳои Македонияи Шимолӣ (3 май), Гондурас (5 май) ва Косово (8 май) бозӣ мекунад. Мусобиқа аз рӯи системаи даврӣ дар як давр баргузор мешавад.»,-хабар медиҳад Кумитаи олимпии Тоҷикистон.
Баъди анҷоми мусобиқаи байналмилалии рушди УЕФА дар Македонияи Шимолӣ дастпарварони Зайниддин Раҳимов ба Душанбе бармегарданд ва дар Чемпионати Ассотсиатсияи футболи Осиёи Марказӣ (CAFA) байни дастаҳои наврасони то 16-сола, ки аз 11 то 21 май дар назар аст, иштирок хоҳад кард.
Мусобиқаи байналмилалии рушди УЕФА байни дастаҳои наврасон (U-16)
Даври 1
3 май (сешанбе)
19:00 – Македонияи Шимолӣ – ТОҶИКИСТОН
19:00 – Косово – Гондурас
Даври 2
5 май (панҷшанбе)
19:00 – Гондурас – ТОҶИКИСТОН
19:00 – Македонияи Шимолӣ – Косово
Даври 3
8 май (якшанбе)
14:00 – ТОҶИКИСТОН – Косово
