Як ба Як (Один на Один) дар саҳифаи ютубии хеш ин ҳафта муҳорибаи диданиеро гузошт, ки дар он се тоҷикистонӣ бо ҳарифони худ пирӯз шуданд.
Хусрав Зоидов ба рақибаш Анзор Алоян, Ҷонибек Ҷабборов ба Руслан Гиссатулин ва Саймумин Мадиев ба Геворг Асланян дастболо гардиданд.
Хусрав Зоидов дар як дақиқаву 20 сонияи даври якум рақибаш Анзор Алоянро мағлуб кард. Зимни эълони пирӯзии ӯ Элзар Абдисалиев, ки худро қирғиз муаррифӣ намуд, вориди қафаси ҳашткунҷа шуда, баландгӯякро аз дасти дастандаркори рақобатҳо гирифта, аз муҳорибаи Хусрав интиқод намуда, онро беарзиш ва барои худаш дилбеҳузуркунанда унвон кард ва Хусравро ба муҳориба даъват намуд.
“Дар ҳама шароит ва ҳам навъи муҳориба –мубориза, бокс омодаам.”,-ҷор зад Элзар Абдисалиев.
Хусрав Зоидов низ бедудилагӣ омодагиашро изҳор намуда, таъкид кард, ки дастпӯшакро барояш диҳанд ва ҳоло мубориза мекунад.
Муҳорибаи ин ду нафарро дар охир гузоштанд ва Хусрав тавонист Элзарро ба накаути техникӣ равон кунад.
Наворро бубинед, ки Хусрав, Ҷонибек ва Саймумин чӣ гуна рақобат карданд:
Навор аз саҳифаи ютубии Один на Один
