Сафорати ИМА дар Тоҷикистон қабули дархостҳо аз муассисаҳои Тоҷикистонро барои мизбони аз мутахассиси Фулбрайт оғоз карда, иттилоъ додааст, ки дархостҳо то рӯзи 28 феврали соли 2022 қабул карда мешаванд.
Барномаи “Фулбрайт барои мутахассисон” ба муассисаҳои қабулкунанда имконият фароҳам меорад, ки мутахассиси даъватшуда барои амалисозии лоиҳаҳо дар бахши таҳсилот ва омӯзиш кумак расонад. Муҳлати барнома бо шумули рӯзҳои ид ва истироҳат метавонад 14 то 42 рӯзро дарбар гирад ва барномаҳо метавонанд аз моҳи апрел то сентябри соли 2022 иҷро шаванд.
Муассисаҳои таҳсилоти олӣ, ниҳодҳои давлатӣ (вазоратҳо ва ё дигар идораҳо, судҳо, парлумон ва ё мақомоти қонунгузорӣ), муассисаҳои фарҳангӣ (консерваторияҳо, осорхонаҳо ва ғайра), ташкилотҳои ғайридавлатӣ, муассисаҳои тиббӣ метавонанд мизбон бошанд.
Муассисаҳои қабулкунанда метавонанд лоиҳаҳои худро тариқи онлайн дар ин сомона пешниҳод кунанд: https://worldlearning-community.force.com/FSPHost
Акс аз Сафорати ИМА дар Душанбе
