Grok Imagine, ки аз ҷониби ширкати xAI таҳия шудааст, то охири соли 2026 филмеро бар асоси достони ҳамосавии «Одиссея»-и Ҳомер эҷод хоҳад кард. Дар ин бора 21 июл роҳбари ширкат Илон Маск хабар дод.
«То охири ҳамин сол Grok Imagine филми пурраметражеро аз рӯи «Одиссея» таҳия мекунад, ки аз нигоҳи таърихӣ дақиқ буда, асари Ҳомерро ба таври содиқона инъикос хоҳад кард», — навиштааст ӯ дар шабакаи X.
Филми «Одиссея», ки коргардони он Кристофер Нолан мебошад, 17 июл ба намоиши ҷаҳонӣ баромад. Танҳо дар рӯзҳои аввали намоиш даромади он аз фурӯши чиптаҳо ба 264,1 миллион доллар расид.
Дар ин филм ҳунармандони маъруф, аз ҷумла Мэтт Дэймон, Том Ҳолланд, Энн Ҳэтэуэй, Зендея, Роберт Паттинсон, Шарлиз Терон ва дигарон нақш офаридаанд.
Филм саргузашти Шоҳ Одиссейро қисса мекунад, ки пас аз анҷоми Ҷанги Троя барои бозгашт ба назди ҳамсараш Пенелопа талош намуда, дар ин роҳ бо ғазаби худоён, офатҳои табиӣ ва махлуқоти афсонавӣ рӯ ба рӯ мешавад.
