Дар шаҳри Душанбе аз 21 то 24 июли соли 2026 омӯзиши омӯзгорон (Training of Trainers – ToT) дар мавзуи «Омӯзиш дар асоси салоҳият барои ҳалли мушкилоти ҳифзи кӯдакон дар Тоҷикистон» баргузор гардид. Ҳадафи асосии он таҳкими иқтидори омӯзгорон ва мутахассисони соҳаи кори иҷтимоӣ барои омода намудани кадрҳои баландихтисос дар самти ҳифзи кӯдак буд.
Дар ин омӯзиши чоррӯза 18 нафар омӯзгорон ва мутахассисон аз муассисаҳои таҳсилоти олӣ, коллеҷҳои тиббӣ ва ташкилотҳои ҷамъиятии шаҳрҳои Душанбе, Хуҷанд, Бохтар, Кӯлоб ва Хоруғ иштирок карданд. Ба иштирокчиён мутахассисони соҳа Субҳон Ашуров, Умеда Мунавварова ва Зарина Алимшоева дар бораи равиши омӯзиш дар асоси салоҳият, низоми ҳифзи кӯдак, ҳамкории байнисоҳавӣ, арзёбии ҳолатҳои кӯдакони осебпазир ва идоракунии ҳолат (кейс-менеҷмент) маълумоти амалӣ пешниҳод намуданд.
Ба гуфтаи ташкилкунандагон, татбиқи омӯзиш дар асоси салоҳият ба рушди низоми касбии кори иҷтимоӣ дар Тоҷикистон мусоидат карда, ба омода намудани мутахассисоне мусоидат мекунад, ки метавонанд ба кӯдакон ва оилаҳои осебпазир хизматрасониҳои босифат ва ҷавобгӯ ба талаботи замон пешниҳод намоянд.
Дар анҷоми барнома ҳамаи иштирокчиён соҳиби шаҳодатнома гардиданд. Ин омӯзиш дар доираи лоиҳаи «Касбигардонии кори иҷтимоӣ барои қонеъ кардани ниёзҳои ҳифзи кӯдакон дар Тоҷикистон» бо маблағгузории UNICEF дар Тоҷикистон аз ҷониби Филиали ассотсиатсияи Каритас Олмон дар Ҷумҳурии Тоҷикистон дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон баргузор шуд.
