Сеюмин Фестивал-намоишгоҳи байналмилалии донишгоҳҳои давлатҳои хориҷӣ дар Тоҷикистон имрӯз, 6 апрел баргузор гардид.
Раҳим Саидзода, вазири маориф ва илми кишвар дар ин чорабинӣ гуфтааст,фестивал барои муаррифии имкониятҳои таҳсил, барқарорсозии робитаҳои мустақим байни донишгоҳҳо ва густариши ҳамкориҳои илмӣ ва инноватсионӣ хизмат мекунад. Ба гуфтаи ӯ, чунин чорабиниҳо барои татбиқи барномаҳои муштарак, дипломҳои дугона, таъсиси факултетҳои муштарак ва роҳандозии лоиҳаҳои илмӣ имкониятҳои васеъ фароҳам меоранд.
Баъди анҷоми қисми расмӣ, иштирокчиён аз намоишгоҳи донишгоҳҳои хориҷӣ дар Маркази «ЭКСПО-Душанбе» боздид намуда, бо барномаҳои таълимӣ, имкониятҳои таҳсил ва пешниҳодҳои стипендиявии муассисаҳои таҳсилоти олӣ аз кишварҳои гуногун шинос шуданд.
Акс аз сомонаи Радиои Тоҷикистон
