Кумаки башардӯстонаи Тоҷикистон ба аҳолии Ғазза расид. Дар соли 2026 аввалин бастаи кумакҳост, ки ба ин минтақаи ҷангзада аз номи Тоҷикистон дастрас мегардад.
Вазорати корҳои хориҷии Тоҷикистон хабар медиҳад, ки 8 феврали соли 2026 ба сокинони ниёзманди Ғаззаи Фаластин навбатии ккмаки башардӯстона аз ҷониби Ҳукумати Ҷумҳурии Тоҷикистон ва мардуми он расонида шуд.
Бастаи кумакҳо «аз маҳсулоти хӯрокворӣ, либосҳои гарм, хаймаҳо ва плёнкаи обногузар иборат буд, бо 6 мошини калони боркаш тавассути гузаргоҳи марзии Рафаҳ дар сарҳади Миср ва Фаластин ба Ғазза ворид гардид. Ин раванд дар ҳузури сафири Тоҷикистон дар Миср ва намояндагони созмонҳои хайриявии тоҷик сурат гирифт.»-омадааст дар иттилоияи ВКХ.
Тоҷикистон аз рӯзҳои аввали муноқиша дар ин минтақа ба аҳолии Ғазза пайваста кумаки башардӯстона ва молиявӣ мерасонад.
Кишвари мо аз ташкили кишвари мустақили Фаластин дар асоси меъёрҳои байналмилалӣ пуштибонӣ намуда, ташкили кишвари мустақили Фаластинро бо пойтахташ дар Қудс мехоҳад.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
ХАБАРҲОИ ОХИРИН
