Замимаҳои тарҷумонӣ, ки бидуни интернет (офлайн) кор мекунанд ва ҳангоми сафарҳои хориҷӣ, дар маконҳое, ки алоқа ноустувор ё гарон аст, кумак мекунанд. Ин гуна барномаҳо бидуни интернет кор мекунанд, матнро тарҷума мекунанд, калимаҳоро тавассути камера мешиносанд ва имкон медиҳанд муколамаи овозӣ анҷом дода шавад. Нашрияи «gazeta.ru» гузинаҳои маъруфро муқоиса кардааст.
Google Translate
Пас аз боргирии бастаи забонӣ матнро тарҷума мекунад, матни дар аксбударо тарҷума мекунад. Тақрибан 59 забон барои тарҷумаи одӣ ва зиёда аз 90 забон тавассути камера дастрас аст. Ин замима комилан ройгон аст.
Microsoft Translator
Тарҷумаи матн, овоз, тасвир ва реҷаҳои муколама тариқи он имконпазир буда, ин замима низ ройгон аст, ки беш аз 100 забонро дастгирӣ мекунад.
Барои сафар ва муоширати корӣ мувофиқ буда, дорои ибораҳои омода ва реҷаи муколама барои то 100 нафар.
iTranslate
Тарҷумаи матн ба 41 забон дастрас буда, ибораҳои офлайн ва ҳатто воридкунии овозӣ бидуни интернет тариқи он дастрас аст. Дар онлайн зиёда аз 100 забон, луғатҳо, синонимҳо дастрасанд.
Нусхаи асосӣ ройгон аст, аммо камера (Lens) ва муколамаҳои овозӣ обунаи iTranslate Pro-ро талаб мекунад.
Naver Papago
14 забон бо дастрасии пурраи офлайн пас аз боргирии бастаҳо дастрас аст. Барои забонҳои кореягӣ, ҷопонӣ ва чинӣ махсусан хуб кор мекунад.
Барномаи асосӣ ройгон буда, нусхаи пулакии Papago Plus барои вазифаҳои мураккаб аст. Барои сафар ба кишварҳои Осиё ва онҳое, ки тарҷумаи дақиқи забонҳои шарқиро мехоҳанд, мувофиқ аст.
Яндекс
Ин замима барои тарҷума ба забони русӣ хеле мувофиқ аст. Зиёда аз 90 забонро дастгирӣ мекунад. Дар офлайн забонҳои маъмул (англисӣ, олмонӣ, фаронсавӣ, испанӣ, итолиёвӣ) бо боргири ройгони луғатҳо дастрасанд. Воридкунии овоз, тарҷума аз акс (45 забон), тарҷумаи сомонаҳо ва реҷаи «Муколама» мавҷуданд.
Waygo
Матнро аз чинӣ, ҷопонӣ ва кореягӣ тавассути камера фавран ба англисӣ тарҷума мекунад. Комилан бидуни интернет кор мекунад. Нусхаи ройгон бо маҳдудият (то 10 тарҷума дар як рӯз) кор мекунад.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
2
+1
+1
+1
+1
+1
+1
