Блогер Юлия Буртсева пас аз анҷоми амалиёти косметологӣ дар як клиникаи хусусӣ ба ҳалокат расид.
Кумитаи тафтишотии Федератсияи Русия тибқи банди 2-и моддаи 109-и Кодекси ҷиноятӣ (Расонидани марг аз беэҳтиётӣ дар натиҷаи иҷрои номатлуби уҳдадориҳои касбӣ) парвандаи ҷиноӣ боз намудааст.
Рӯзи 4 январ дар як клиникаи хусусӣ, воқеъ дар кӯчаи Токмакови шаҳри Маскав пас аз гузаронидани амалиёти тиббӣ, аз ҷумла косметологӣ, вазъи саломатии Юлия Буртсева якбора бад шудааст. Ӯро ба беморхонаи шаҳрӣ интиқол доданд, аммо табибон наҷот дода натавонистанд.
Блогери 38-сола Юлия Буртсева ҳамроҳ бо шавҳараш дар бораи зиндагии худ дар Италия нақл мекард ва барои таҷлили соли нави мелодӣ ба Русия баргаштааст.
Кумитаи тафтишоти Русия айбномаро дар парвандаи марги бемор нисбат ба корманди клиникаи хусусӣ, ки расмиёти косметологиро анҷом додааст, эълон кард. Ба навиштаи канали Telegram-и Mash, айбдоршаванда Шоира Назуллоеваи 26-сола, зодаи Тоҷикистон буда, маълумоти касбии дахлдор надошта, утоқеро дар Elmas Clinic иҷора гирифта, корманди расмии клиника набудааст. Назари гумонбаршаванда ба ин айбҳо то ҳол маълум нест.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
