Ронандагони таксӣ аз ҷумла шахсони худиштиғол (самозанятые), метавонанд новобаста аз ҷойи зисти расмӣ иҷозатнома барои интиқоли мусофиркашонӣ ба даст оваранд.
То кунун чунин иҷозатро надоштанд. Лоиҳаи қонун баъд аз такмил аз ҷониби комиссияи ҳукуматӣ дастгирӣ шудааст. Дар ин бора ба «Ведомости» ду манбаъ, яке дар Ҳукумати Федератсияи Русия, дигаре наздик ба ин комиссия хабар додаанд.
Тағйирот ба қонони федералӣ «Дар бораи таҳкими интиқоли мусофирон ва борҳо бо мошинҳои сабукрави таксӣ дар Федератсияи Русия» аз ҷониби як гурӯҳи вакилон пешниҳод шуда буд. Шакли аввалия 20 ноябр дар хониши аввал қабул шуда буд. Барои хониши дуюм бояд чанд нукта такмил дода шаванд.
Ҳоло механизме вуҷуд надорад, ки ба соҳибкорони инфиродӣ имкон диҳад, дар минтақае, ки зиндагӣ намекунанд, ҳуқуқи интиқоли мусофиронро дошта бошанд. Дар баррасии ҳукумат гуфта шудааст, ки то баррасии дуюми тағйирот дар парлумон, ин нуктаҳо, аз ҷумла, масъалаи назорати фаъолияти ронандагони таксӣ, ки дар минтақаи дигар кор мекунанд, дақиқ шавад.
Ҳоло ронанда барои кор дар таксӣ бояд тавассути сомонаи минтақавӣ ё «Госуслуги» дархост пешниҳод карда, маълумоти мошин ва соҳиби онро ворид намояд. Сипас ӯ бояд ҳамчун соҳибкори инфиродӣ ё худиштиғол дар он минтақа сабти ном шавад ва маҳз дар ҳамон ҷо иҷозатнома гирад.
То кунун дар ҳудуди 30 минтақаи Русия муҳоҷирон наметавонанд, ба таксиронӣ машғул шаванд.
