Мақомоти Қазоқистон дар доираи амалиёти густурдаи зидди ҷиноятҳои молиявӣ, дороиҳои рақамиро ба маблағи 14,4 миллион евро мусодира карда, 130 биржаи криптоасъорро, ки бо пулшӯӣ алоқаманд буданд, баст. Дар ин бора Агентии назорати молиявии Қазоқистон хабар додааст.
Ба иттилои Агентии назорати молиявии Қазоқистон, ин платформаҳои ғайриқонунӣ аз ҷониби гурӯҳҳои ҷиноятӣ дар Қазоқистон, Русия, Украина ва Молдова барои шустушӯи маблағҳо аз фурӯши маводи мухаддир ва қаллобии онлайн истифода мешуданд.
Агентӣ ин равандро ҳамчун як системаи бисёрмарҳилавӣ тавсиф мекунад:
аввал ҷинояткорон даромадҳои худро чӣ пули нақд ва чӣ крипто — ба ҳамёнҳои биржаҳо интиқол медоданд, сипас онҳо ба якчанд амалиёти мураккаб дохил мешуданд, то манбаи аслии пулро пинҳон кунанд.
«Ин биржаҳои ғайриқонунӣ мисли “пӯлшӯяндаи касбии пул” амал мекунанд — онҳо даромадҳои ҷиноятиро нақд мекунанд ва ба хориҷ интиқол медиҳанд», — гуфта мешавад дар изҳороти Агентии назорати молиявии Қазоқистон.
Дар Қазоқистон танҳо он платформаҳое иҷозаи фаъолият доранд, ки аз ҷониби Идораи хидматҳои молиявии Астана (AFSA) иҷозатнома гирифтаанд ва ба низоми бонкии миллӣ пайваст шудаанд. AFSA ба амнияти киберӣ ва ҳифзи маълумоти шахсӣ аҳамияти ҷиддӣ медиҳад.
