Тибқи сиёсати нави OpenAI, ChatGPT дигар наметавонад ба корбарон машваратҳои ҳуқуқӣ пешниҳод кунад. Ин маҳдудият инчунин ба соҳаҳои тиб, фаъолияти молиявӣ, шуғл ва амнияти миллӣ дахл дорад.
Дар сомонаи расмии ширкат зикр шудааст, ки OpenAI сиёсати истифодаи хадамоти худро нав кардааст. Акнун ба корбарон иҷозат дода намешавад, ки аз ChatGPT машваратҳои ҳуқуқӣ ё тиббӣ гиранд.
Маҳдудиятҳо инчунин ба мавзӯъҳои дигар низ дахл доранд, аз ҷумла соҳаи маориф, манзил, шуғл, фаъолиятҳои молиявӣ ва қарздиҳӣ, суғурта ва хизматрасониҳои муҳими давлатӣ. ChatGPT инчунин наметавонад ба саволҳо дар бораи муҳоҷират ва амнияти миллӣ ҷавоб диҳад.
Дар изҳороти ширкат омадааст:
«Мо аз корбарон талаб мекунем, ки хадамоти моро бо риояи қоидаҳо истифода баранд. Ҳар гуна вайронкунӣ ё сарфи назар аз ин меъёрҳо метавонад боиси маҳрум шудан аз дастрасӣ ба системаҳои мо ё чораҳои дигар гардад».
OpenAI инчунин таъкид кардааст, ки истифодаи хадамотҳо барои таҳдид, тарсондан, таъқиб, тӯҳмат, ташвиқи худкушӣ, ҳамчунин барои зӯроварии ҷинсӣ ва терроризм қатъиян манъ аст.
Ҳамчунин манъ шудааст:
-
истифодаи тасвири шахс бидуни иҷозати ӯ (аз ҷумла овоз ё тасвирҳои воқеӣ);
-
арзёбӣ ё пешгӯии хатари ҷиноят аз рӯи хусусиятҳои шахсӣ;
-
муҳокимаи намуди зоҳирии ноболиғон ё таблиғи одатҳои носолим байни онҳо;
-
дастрасии онҳо ба маҳсулот ё фаъолиятҳои бо маҳдудияти синнӣ.
