Аз 1 апрел дар Федератсияи Русия шаҳодатномаҳои ронандагии хориҷии шаҳрвандони хориҷӣ, ки то 1 апрели соли гузашта иҷозаи истиқомат дар Русия ё шаҳрвандии Русияро гирифтаанд, беэътибор шуданд ва ронандагӣ бо чунин ҳуҷҷатҳо аз 5 то 15 ҳазор рубл ҷарима дорад.
Агар шаҳрванди хориҷӣ пас аз 1 апрели соли 2024 иҷозаи истиқомат (ё шаҳрвандӣ) гирифта бошад, пас ӯ ҳуқуқ дорад, ки шаҳодатномаи милли кишварашро як сол дар Русия истифода барад.
Ба иттилои Вазорати корҳои дохилии Русия то кунун ҳудуди 500 ҳазор нафар шаҳодатномаҳои ронандагии хориҷии худро ба шаҳодатномаи русиягӣ иваз кардаанд. Касоне, ки вақт наёфтанд, ҳоло бояд имтиҳонро дар нозироти давлатии автомобилии ин кишвар супоранд.
Тағйирот ба шаҳрвандони Русия ва Беларус дахл надорад. Шаҳрвандони Белорус бо шаҳодатномаҳои ронандагии худ метавонанд дар Русия ронандагӣ намоянд.
