Apple ва ҳукумати Индонезия дар бораи шартҳои бекор кардани манъи фурӯши iPhone 16 дар кишвар ба мувофиқа расиданд. Дар ин бора Bloomberg хабар медиҳад.
Дар моҳи октябр Индонезия фурӯши iPhone 16-ро бинобар мувофиқат накардан ба талабот оид ба доштани 35%-и ҷузъҳои маҳаллӣ дар смартфонҳое, ки барои бозори дохилӣ пешбинӣ шудаанд, манъ кард.
Apple ба нақша гирифтааст, ки барои сохтани корхонаи истеҳсоли ҷузъҳо барои смартфонҳо 1 миллиард доллар сармоягузорӣ кунад, инчунин ӯҳдадор мешавад, ки мутахассисони маҳаллиро омӯзонад.
Ҳарчанд ҳарду ҷониб дар бораи шартҳои бекор кардани мамнуъият ба мувофиқа расиданд, коршиносон метарсанд, ки Индонезия, чуноне ки қаблан ҳам рӯй дода буд, метавонад тасмими худро тағйир диҳад ва аз ин сабаб созишнома қатъ карда шавад.
