Соли 2025 WhatsApp метавонад баста шавад, агар роҳбарияти он талаботи қонунгузории Русияро риоят накунанд. Дар ин бора сенатор Артем Шайкин ба расонаҳои русӣ изҳори назар кардааст.
«Агар талабот ва ӯҳдадориҳоро иҷро накунад, эҳтимолияти бастани ин месенҷер метавонад зиёд шавад.»,- гуфтааст ин сенатор.
Шайкин илова кардааст, ки тағйири вазъ бо Whatsapp дар Русия соли оянда аз мавқеи роҳбарияти ин месенҷер вобастагӣ дорад.
Ин дар ҳолест, ки WhatsApp паёмрасони маъмултарин барои корбарони русӣ маҳсуб мешавад. Тибқи маълумоти Mediascope, 79%-и аҳолии Русия аз он истифода мекунанд.
19 декабри соли равон WhatsApp ба реестри ширкатҳои паҳнкунандагони иттилоъ дар Русия шомил шуд. Минбаъд Хадамоти бехатарии федералии Русия ё ФСБ аз ин месенҷер метавонад мукотибаи истифодабарандагонро талаб намояд. «Роскомсвобода» ёдовар мешавад, ки тибқи талаботи қонунгузории Русия хадамот ба рӯйхати шабакаҳои паҳкунандаи иттилоъ шомил шуд ва муваззаф мешавад, ки маълумоти истифодабаранда, ҳамчунин мукотибаҳоро бо дархости якуми ФСБ пешниҳод намояд. То 20 декабри соли 2024 дар ин реестр 456 хадамот шомил шудаанд.
