Акбарҷон Маҳмадалиев иштирокчии Лоиҳаи “Ташаббусҳои ҷавонони тоҷику афғон дар пешгирии хатарҳои тағйирёбии иқлим” буд. Ин лоиҳа аз ҷониби Ташкилоти ҷамьиятии “Маьрифати шаҳрвандӣ” бо дастгирии молиявии Комиссия оид ба Барномаҳои рушди демокиратияи Сафоратхонаи Амрико дар Душанбе амалӣ гардид.
Ҳадафи лоиҳа паст кардани хатарҳои тағйирёбии иқлим, тоза намудани канал буд, ҷавонони афғону тоҷик дар ҳамбастагӣ саҳми худро дар ин корҳо гузоранд.
Канале, ки аз деҳаи Файзбахш оғоз мешавад ва дар деҳаи Зарнисори деҳоти ба номи Раҷаб Исмоилов поён меёбад, аз дохили шаҳри Ваҳдат низ мегузарад ва дар ин ҳудуд бо номи “Канали Салимзода шинохта мешавад. Ин канал, ки 8 км тӯл дорад, вақтҳои охир вазъи ногуворе дошт.
Ӯ дар қатори 60 ҷавони тоҷику афғон ба омӯзиш фаро гирифта шуда мавзӯҳои экологӣ, инчунин навиштани лоиҳаҳоро омӯхт.
Пас аз омӯзиш дар озмуни дарёфти субгрант ширкат намуда муваффақ шуд.
“Ҳадафи ман мусоидат ба паст кардани хатарҳои тағйирёбии иқлим, тоза намудани канали Салимзода ва ба ин васила таъмини аҳолӣ бо оби полезии безарар ва саривақт таъмини хоҷагиҳо ва аҳолӣ бо об буд.
Ҷалби аҳолии атрофи канали Салимзода, корҳои фаҳмондадиҳӣ дар байни аҳолӣ ва тоза намудани канали мазкур аз километри 3 то километри 4-ум (кӯчаи Меҳнат то маҳаллаи Комбинати орд) мақсадҳои мо буд, ки ба он даст ёфтем.”,-нақл кард Акбарҷон Маҳмадалиев.
Дар доираи лоиҳа барои тоза намудани канал асбобу олоти меҳнатро харидорӣ ва барои ҳашарчиён таъмин намуд то самаранокӣ беҳтар гардад.
Дар се чорабинӣ 160 нафарро ҷалб кард, ки 44 нафари он зан буданд. Теъдоди ҷавонон ҳам дар ин миён хеле зиёд будааст.
“Тадбиқи лоиҳа барои ман як таҷрибаи бузург буд. Агар бо пок кардани канали Салимзода дар мавзеъи муйяншуда саҳми худро паст кардани хатарҳои тағйирёбии иқлим гузошта бошам, бар замми ин, бо суҳбату вохӯриҳо баёни аҳолӣ суханварии хешро тақвият бахшидам, маҳорати роҳбариро касб кардам.”,-қайд кард ӯ.
Акбар ёдовар шуд, ки дар баъзе аз мавзеҳо бо нерӯи даст имкони тоза кардани канал ғайриимкон буд. Бинобар ин, дар ҳудуди комибанати ордбарорӣ дар масофаи 250 метр бо ёрии техника тоза карда шуд.
Акбар дар ҷойи ҷамъиятӣ шиор насб намуд то барои боло бурдани маърифати экологии ҷомеа мусоидат намояд.
